Балалар қауіпсіздігі басты назарда

Жазғы демалыстың басталуы қарсаңында балалардың жол-көлік жарақаттануының алдын алу, сондай-ақ балаларда көшелер мен жолдарда қауіпсіз жүріп-тұруға байланысты дағдыларын нығайту мақсатында аудан көлемінде санитарлық нормалардың барлық талаптарын сақтай отырып, 2021 жылдың 12-14 мамыр аралығында «Абайлаңыз – балалар!» жедел-профилактикалық іс-шарасы басталды.

Аталған іс-шара барысында кәмелетке толмағандардың кінәсінен және қатысуымен болатын жол-көлік оқиғаларының алдын алу мақсатында жалпы білім беретін мектептердің жоғары сынып оқушылары мен олардың ата-аналары арасында тиісті түсіндіру жұмыстары жүргізілетін болады. Білім беру органдарымен бірлесіп, бұл мәселе онлайн режимде ата-аналар жиналыстары өткізіледі.

Балалардың жолда қауіпсіз жүріп-тұруын насихаттайтын әлеуметтік бейнероликтер шығару және кейіннен жаз мезгілінде көрсету арқылы БЖКЖ профилактикасы ауқымды түрде ұйымдастырылады.