– «Достық» үйінде көптеген қоғамдық ұйымдар орналасқан. Бұл жерде ардагерлер жиі бас қосады. Сондықтан бұл ғимарат біздің екінші үйіміз саналады. Аудан қариялары аудан əкімі Талғат Дүйсебаевтың көркейту-көгалдандыру жөніндегі үндеуіне алғашқылардың қатарында үн қосып, үлгі көрсетуде. Тазарту жұмыстарын жүргізіп, ағаш отырғызуда. Негізінде, жан-жағымыздың көркейгені өзімізге жақсы. Барлық тұрғын өзі тұратын тұрғылықты жердің таза болып, көркеюіне, гүлденуіне атсалысуы керек, – дейді аудандық ардагерлер кеңесі төрағасы Х.Әбенұлы.

Ардагерлер «Достық» үйінің алдында белгіленген жерге арық қазып, су жолдарын тазартып, көшеттер отырғызуды бастап кетті. Аудан тазалығына үн қосып жатқан қариялардың бұл ісі жұртшылыққа үлгі-өнеге.