Ақтөбе қаласында 8 наурыз мейрамында ақ жаулықты аналарды ерекше жолмен құттықтаған жастар жұртты сүйсінтті. Еріктілер мен студенттер қоғамдық көлікке мініп, аналарға ән арнады. Алдын ала дайындалған жастар нәзік жандыларға гүл сыйлап, халықаралық әйелдер күнімен құттықтады. Бұл туралы ҚазАқпарат хабарлады.

Ақтөбе қаласында білім алып жүрген жастар 8 наурыз мейрамында қоғамдық көлік ішін әнге бөледі. Халықаралық әйелдер күніне арнайы дайындалған студенттер мен еріктілер №1, 15, 27-ші автобустарға мініп, «Анаға сәлем», «Ана», «Анама» атты әндерді орындады. Ақ жаулықты аналарды осындай жолмен құттықтағысы келген жастар, нәзік жандыларымызға ерекше көңіл-күй сыйлады.