Кеселмен күрес тоқтамайды

Мемлекет басшысы Қасым Жомарт Тоқаев Қазақстан халқына арнаған «Жаңа жағдайдағы Қазақстан: іс-қимыл кезеңі» атты Жолдауында сыбайлас жемқорлыққа қарсы күрестің жаңа тәсілдерін енгізген жөн деп санап, ағымдағы жылдан бастап мемлекеттік қызметшілердің, депутаттардың, судьялардың шетел банктерінде есеп­шотқа ие болуы, қолма-қол ақша және бағалы заттар сақтауына қатысты жемқорлықпен күрес аясында жаңа шек­теу­лер енгізу керек екендігін атап өтті.

Бұрнағы күні аудан орталығында сыбайлас жемқорлыққа қарсы іс-қимыл бағытында мамандардың құқықтық отырысы өтті. Аталған іс-шараны ау­дандық жұмыспен қамту, әлеуметтік бағдарламалар және азаматтық хал актілерін тіркеу бөлімі басшысының орынбасары Ернар Зұлқарнайұлы ашып, жүргізіп отырды. Семинар барысында сыбайлас жемқорлыққа қа­тысты қылмыс жасағандарға шартты түрде мерзімінен бұрын босату шарасы қолданылмайтыны, жемқорлықпен ұс­тал­ғандардың мемлекеттік қызметте және квазимемлекеттік секторда жұмыс істеуіне өмір бойы тыйым салатын қа­ғида қатаң сақталуы керек екендігі айтылды.

Сонымен қатар ағымдағы жылы «Nur Otan» партиясы аудандық фил­иалы мен бөлім арасында сыбайлас жемқорлыққа қарсы іс-қимыл жөнінде құқықтық түсіндірме жұмыстары мен се­минар сабақтар өткізу бойынша іс-­шаралар жоспары бекітілген. Сол жо­баның мақсатына сәйкес, мекеме қызметкерлері арасында сыбайлас жем­­қорлыққа қарсы сауаттандыру жұ­мысы жүйелі жүруде.

Семинардың күн тәртібінде үш мәселе қаралды. Аудан әкімдігі жа­нындағы сыбайлас жемқорлыққа қарсы іс-қимыл бағытында атқарылған шаралары туралы аудан әкімі аппа­ра­тының мемлекеттік-құқықтық жұмыс­тар бөлімінің бас маманы Азамат Жұ­мабеков баяндады. Ол өз сөзінде аудан көлемінде қоғам дертімен күресудің нақты жұмыс жоспары дайындалып, олардың мерзімге сәйкес орындалып жатқанын жеткізді. Баяндамашы сөзіне сәйкес, аудан көлемінде жергілікті тұр­ғындар арасында жүргізілген сауалнама қорытындысында Тереңөзек кенті мен Ақжарма, Қоғалыкөл, Қалжан ахун және Іңкәрдария елді мекендерінде сыйбайлас жемқорлық деңгейі жоғары деп санаған. Жергілікті атқарушы билік өкілдері халықтың бұл пікірін ескере оты­­рып, сыбайлас жемқорлық қауіптерін азайту бойынша мемлекеттік органдар қыз­метінің тиімділігін арттыру, сыбайлас жемқорлық деңгейін төмендету немесе мүлде жолын кесу бағытында арнайы бағдарлама әзірлеп, жүйелі жұмыстарды жалғастыруда.

Ал «Сыбайлас жемқорлыққа қарсы күрес – ортақ міндет» тақырыбында «Nur Otan» партиясы аудандық филиалының консультанты Берік Ахметов хабарлама жасады. Аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің бас маманы Айнұр Төлегенова бө­лімнің жемқорлыққа қарсы іс-қимыл ба­­ғытын­да атқарылған жұмыстарды тізбектеп берді.

– Мемлекет басшысының сыбайлас жемқорлыққа қарсы күрес жөніндегі жалпыұлттық іс-қимыл жоспарының жеті басымдығы шеңберінде белгіленген тапсырмалары басшылыққа алынып, бөлімнің барлық қызметкерін сыбайлас жемқорлыққа қарсы тақырыпта біліктіліктерін арттыру мақсатында жұмыстар жүргізіліп келеді. Қазақстан Республикасының «Мемлекеттік қыз­меті туралы», «Мемлекеттік сатып алу туралы», «Сыбайлас жемқорлыққа қар­сы іс-қимыл туралы» Заңдары және Қазақстан Республикасы мемлекеттік қызметшілерінің «Әдеп кодексі» (Мем­лекеттік қызметшілердің қызметтік әдеп қағидалары) талаптарының бұ­зылуына жол бермеу мақсатында ме­кеменің 21-5-83 сенім телефоны тұрақты түрде жұмыс жасауда. Сонымен қатар Сырдария ауданы әкімдігінің ресми веб-сайтында бөлімге бекітілген мемлекеттік қызмет көрсету стандарттары орналастырылды, – дейді Айнұр Асылбекқызы.

Сыбайлас жемқорлыққа қарсы кү­­рес – ол тек құзырлы органның ға­на емес, әрбір азаматтың міндеті. Сон­дықтан жемқорлықсыз қоғамда әр­бір адам жетістікке жететінін естен шығар­мауымыз керек.

Майя ҚОЖАБАЙ