Алимент төлемегені үшін қамаққа алынды

Сырдария аудандық сотында онлайн желісі арқылы азамат И-қа қатысты Қазақстан Республикасының Әкімшілік құқық бұзушылық туралы Кодексінің 669-бабының 1-бөлігімен әкімшілік іс қаралды.

Іс құжаттарына сәйкес, борышкер И. өндіріп алушы Д-ның пайдасына үш балаға төлеуге тиіс алиментті 2018 жылдың наурыз айынан бері төлемеген.

Сот орындаушысының 2021 жылғы 5 қаңтардағы қаулысына сәйкес 4 179 168 теңге алименттен берешек қалыптасып, Қызылорда қалалық сотының 2016 жылғы 16 тамыздағы сот бұйрығының талаптарын орындамаған.

Сот қаулысымен азамат И. Қазақстан Республикасы ӘҚБтК-нің 669-бабының 1-бөлігімен кінәлі деп танылып, оған 3 тәулік мерзімге әкімшілік қамаққа алу жазасы қолданылды.

М.Асан,
Сырдария аудандық сотының жетекші маман-баспасөз хатшысы