Тәртіп сақшыларына құрмет көрсетілді

Ел есінде қалған бұл оқиға осыдан 16 жыл бұрын орын алған болатын. Аудандық полиция бөліміне мал ұрлығы бойынша хабарлама келіп түседі. Тәртіп сақшылары оқиға орнына бара жатып, санаты мүлдем бөлек басқа қылмысқа тап болады. Жол үстінде кездескен күдікті көліктің ізіне түскен олар қандықол қылмыскерлерді құрықтайды. Тәртіп сақшылардың қолына түскен қылмыскерлер бірнеше жыл бойы такси жүргізушілеріне шабуыл жасап келген. Бас-аяғы 7 жыл көлемінде іздеуде жүргендер Соңғы қылмысты жасағанға дейін 5 адамды өлтірді деген күдікке іліккен. Тергеу барысында олардың барлық қылмысы дәлелденіп, сот шешімімен өмір бойына бас бостандығынан айырылады.

Заматында қырағылық танытып, қылмыс­керлерді құрықтаған тәртіп сақшылары қата­рында сол кездегі аудандық полиция бөлімінің бастығының орынбасары Болат Тоқберішов, полиция майорлары Ырысбек Ибраев, Раджап Салхадин болды.

Еңбек пен ерлік ешқашан ұмытылмайды. Сырдариялық құқық қорғаушылардың ауыр қылмысты ашқанына бүгінде 16 жыл өтсе де, жасаған ерлігі ел жадында. Осы ретте аудандық полиция бөлімінің мәжіліс залында тәртіп сақшыларымен 2004-2006 жылдары Сырдария аудандық ішкі істер бөлімінің бастығы лауазымы қызметін атқарған, 6 адам өмірін қиған қылмыскерлерді құрықтау операциясы мен тергеу ісшараларына басшылық жасаған ҚР ішкі істер органдарының құрметті қызметкері, отставкадағы полиция полковнигі бүгінде Қызылорда қаласы әкімінің кеңесшісі Әмірбек Шаймағамбетов кездесу өткізді. Оған аудандық полиция бөліміне қарасты бас­тауыш ардагерлер кеңесінің төрағасы Марат Еспенбетов, аудандық полиция бөлімі бас­тығының орынбасары Ербол Жанәлиев және тәртіп сақшылары қатысты.
Кездесу барысында Әмірбек Шаймағам­бетов жас полиция қыз­меткерлеріне аға бу­ы­н өкілдерінің қылмыспен күрестегі ерен еңбектерін кеңінен айтып берді. Құ­қық қор­­ғау­шыларды қоғамдық тәртіпті қамта­масыз етуде адал қызмет етуге, халықтың полиция­ға деген сенімін арттыруға шақырды. 2004 жылы тегеурінді қызметімен дараланған Ырыс­­­­бек Ибраев пен Раджап Салхадинге құрмет көрсетілді. Тәртіп сақшылары атал­ған қылмыс жайлы «Хабар» агенттігінен көрсе­тілген «Ушел. Не вернулся» деректі фильмін тамаша­лады.


– Сырдария ауданында әріптестеріммен бірге қоғамды тәртіп сақтау жолында табанды еңбек ете білдік. Қырағы полицейлер күн-түн демей, ел тыныштығын күзетті. Сондай қарбаласқа толы күннің бірінде тәртіп сақшылары қандықол қылмыскерлерді қолға түсірген болатын. Сол жылы әріптесеміз мар­құм Болат Тоқберішов «Айбын» орденімен ма­ра­патталды. Сонымен бірге Ырысбек Ибраев пен полиция майоры Раджап Салхадинге­ке қаржылай сыйлық табысталды, – деді Әмір­бек Шаймағамбетов.

Кездесуде Ырысбек Ибраев пен полиция майоры Раджап Салхадинге «Дүниежүзілік полиция ассоциациясының Қазақстандық секциясына 10 жыл» төсбелгісі табысталды. Құрамына 32 ел кіретін «Дүниежүзілік полиция асоциациясының» жұмысы туралы мағлұ­маттар берілді. Өз кезегінде бірқатар полиция қызметкері облыстық полиция де­партаментінің арнайы «Құрмет грамотасымен» және «Алғыс хатымен» марапатталды.

Балтабай ОРДАБЕКОВ