Тіршілік тынысы Tirshilik-tynysy.kz ақпараттық агенттігі
» » Жетікөлдегі жасампаз іс

Жетікөлдегі жасампаз іс

Табиғат байлықтарының ішінде судың орны ерекше. Сусыз жер бе­тінде тіршіліктің болуы мүмкін емес. ауыз суға байланысты Қазіргі таңда Жетікөл ауылында жүйелі жұмыстар атқарылуда. Елді мекеннің әлеуетін көтеру мақсатында бірқатар жоба қолға алынған. Мәселен, биыл ауданнан шалғайда орналасқан елді мекенде ауыз су мәселесі толықтай шешімін тапты.

Жылдар бойы көпшілік тарапынан ауыз суды сағатпен беру жайы кеңінен талқыланып келді. Айта кетеу керек, 152 шаңырақ түтін түтеткен шағын ауылды таза ауыз сумен қамту «Жұмыспен қамту жол картасы» мемлекеттік бағдарламасы аясында жүзеге асты. Оған облыстық бюджеттен 144 млн. теңге қаржы бөлінді. Мемлекеттік бағдарлама аясында 18 жұмыс орны ашылып, уақытында ауыз сумен қамтамасыз ету жұмысы жүргізілді. Бүгінде ауыл халқы 100 пайыз ауыз суға қол жеткізіп, шат-шадыман көңіл-күйде.
Сонымен бірге білімнің қарашаңырағы №174 орта мектеп аумағына қоршау жүргізіліп, абаттандыру жұмысы жандануда. Елді мекен бойынша 135 балаға білім беретін мектеп аумағын қоршауды жыл аяғынан дейін аяқтау жоспарланған. Білім ошағының аумағын абаттандыруға «Энергомонтажналадка» ЖШС жауапты.

Асхат Бодықов,
Жетікөл ауылдық округі аппаратың жастар ісі
жөніндегі әдіскері

12 желтоқсан 2020 ж. 478 0