Елге ПТР анықтамасыз келгендер жеті күн карантинге жабылады
Елімізде шеттен келетін жолаушыларға талап күшейтілді. Енді халықаралық рейспен келген азаматтар карантиндік стационарға 7 күнге жатқызылады, – деп хабарлайды 24.kz. Бұған дейін ол екі тәулік еді. Шара мемлекеттік санитарлық дәрігердің қаулысына сәйкес қабылданды. Шетелге барған 25 қазақстандық елге қайтарда ПТР-тест тапсырмағаны белгілі болды. Оның 14-і Алматы, 8-і елорда, тағы үшеуі Шымкент әуежайында анықталды. Бұл жолаушылардың барлығы карантинге алынды.
