Дезинфекция жұмыстары жүргізілуде

Аудан орталығынан басталған дезинфекция жұмыстары ауылдық округтерде де жүргізілуде. Бұл қауіпті індетті болдырмау мен алдын алу бағытында қабылданған шаралардың бірі. Дезинфекция жұмыстарын арнайы сала мамандары ұйымдастыруда.

Залалсыздандыру жұмыстары адамдар көп жүретін аумақтарда жүргізіледі. Бұған дейін хабарлағанымыздай, мамандар аудан орталығындағы негізгі көшелерде, орталық алаңда, темір жол вокзалы маңын, сондай-ақ «Халық банкі», «Қазпочта», «Халыққа қызмет көрсету орталығы» секілді тұрғындар көп келетін мекеме аулаларын залалсыздандырды. Сонымен бірге, дүкендердің, базарлардың, мемлекеттік мекемелердің алды тазартылды. Бұл өз тиімділігін көрсетті. Ендігі кезекте қоғам үшін пайдалы жұмыс әрбір ауылдық округте жүргізілуде.

Қаіпсіздік шаралары таңертеңгі 9.00 мен кешкі 18.00 аралығында ұйымдастырылуда. Арнайы жеке қорғаныш киімдерін киген мамандар жуу құралдары мен дизинфекциялық ерітінділерді қолдануда. Жауапкершілік жүгі басым жұмыста санитарлық талаптар қатаң сақталуда.

«ТТ» ақпарат