Мемлекеттік қызмет істері органдарының 20 жылдығына орай Сырдария ауданы әкімдігінің бастамасымен тал егу жұмыстары ұйымдастырылды. Аудан бойынша барлығы 1000-нан астам көшеттер отырғызылды. Игі шараға мемлекеттік қызметшілермен қатар, жеке кәсіпкерлер және тұрғындар белсене атсалысты. Тал егу шарасы барысында аудан әкімі аппаратының қызметкерлері мемлекеттік қызмет істері органдарының 20 жылдығы туралы тұрғындарға мағлұмат берді. Сонымен бірге, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің бастамасымен бүгін аудан орталығында өтетін "Адал жол" марафонына белсене қатысуға шақырды. Тал егу жұмыстары аудан орталығынан бөлек, барлық ауылдық округтерде ұйымдастырылды және алдағы уақытта аудандық "Тіршілік тынысы" газеті арқылы кеңінен ақпараттандырылатын болады.