Мекенжай тақтайшалары жаңартылды

Туған жерге қызмет ету – перзент парызы. Бүгінде ауылдан түлеп ұшқан қаншама түлектер ауылдың әлеуметтік ахуалын көтеруге атсалысып келеді. Сондай-ақ соңғы кездегі елдегі қиыншылық жағдайға байланысты қайырымдылық шаралардың басы-қасынан табылуда.

Берекелі Бесарық ауылының тұрғындары үшін осындағы №147 орта мектептің 2000 жылғы түлектері жақында жақсы істің қасынан табылды. Түлектердің ұйымдастыруымен әрбір тұрғын үйге жаңа мекенжай тақтайшасы ілінді. Тақтайша соңғы үлгімен QR кодымен жасалды.

Айта кету керек, жаңа үлгідегі мекенжай тақтайшалары тұрғын үйдің реттілігін нақтылап, халық санағы кезінде жұмысты дұрыс үйлестіруге мүмкіндік береді.

Бибісара ЖАНӘЛІ