Тіршілік тынысы Tirshilik-tynysy.kz ақпараттық агенттігі
» » Бір сәби дүниеге келді

Бір сәби дүниеге келді

Отбасы – өмірдің тұтқасы. Шаңырақты шаттықа бөлейтін өрелі һәм тәлімді ұрпақ екені белгілі. Өскелең ұрпақ алдында тағылымды отбасының мерейін айшықтау мақсатында «15 мамыр – халықаралық отбасы күні» мерекесі жыл сайын аталып өтіледі. Биылғы мерекеде осы күні аудандық аурухананың перзентхана бөлімшесінде бір сәби дүниеге келді. Сонымен бірге апта басында босанған екі ана сәбиімен бірге атаулы күнді осында қарсы алды.
Мерекеде аудандық аурухананың бас дәрігерінің міндетін атқарушы Әлия Искендирова жас аналарды атаулы күнмен құттықтады.
– Отбасы әр адамның өмірінде бас­ты­ рөл атқарады. Тағылымды тәрбиені, адам­­гер­шілік пен сыйластықты, қоршаған ор­та мен өзін-өзі құрметтеуді әуелі отбасыдан үйренеміз. Сіздер жас отаудың ұйыт­қысына айналдыңыздар. Бұл мереке жас отбасылырға перзент алдындағы зор жауапкершілікті жүктейді. Аурухана ұжымы атынан атаулы күнмен құттықтаймын, – деді бас дәрігердің міндетін атқарушы. Сонымен бірге акушер-дәрігер Нейля Әбішева, аға акушер Айман Наурызбаева, балалар мейірбикесі Жанат Досмағанбетова жас ана­ларға арнайы сыйлық ұсынды.
Өңірлендірудің ІІ деңгейіне өткен пер­­зент­хана бөлімшесінің ақ халатты абзал жандары күніне бірнеше ананы бо­сан­дыруға қауқарлы. Мұнда 6 акушер-дәрігер, 5 мейірбике, 6 кіші буын медицина қызметкері жұмыс істейді. Ал мамыр айының басынан бері 12 нәресте өмір есігін ашқан.

Балтабай ОРДАБЕКОВ
19 мамыр 2020 ж. 1 026 0