Соңғы тәулікте Қызылордада коронавирус жұқтыру жағдайы тіркелмеген

Бүгінгі тәулікте, яғни 04.05.2020ж. сағат 09:30 уақыты бойынша Қызылорда облысында "Covid-19" вирусын жұқтырған адам тіркелген жоқ. Бұл туралы облыстық денсаулық сақтау басқармасы хабарлады.

Айта кетейік, аймағымызда бүгінгі күнге дейін коронавирус инфекциясының 214 дерегі тіркелген.

(Қызылорда қаласында –77 жағдай, Жаңақорған ауданы – 31, Арал ауданы – 6, Сырдария ауданы – 26, Қармақшы ауданы – 5, Шиелі ауданы – 66, Қазалы ауданы - 3). Барлығының жағдайы бақылау барысында бірқалыпты.

Коронавирус инфекциясымен бүгінгі күнге дейін тіркелген 214 науқастың 138-і жазылып шықса, 76-сы инфекциялық стационарда емін жалғастыруда.