Сырдарияда коронавирус жұқтырған адам саны 23-ке жетті
Осы сағатта Қызылорда облысында коронавирус жұқтырудың 116 жағдайы тіркелді. Соңғы тәулікте аймақта вирус жұқтырған 12 науқас анықталған. Оның ішінде 9 - Сырдария, 2 - Арал, 1 – Қазалы ауданынан анықталып отыр. Бұл туралы Өңірлік коммуникациялар қызметінде өткен брифингте облыстық Денсаулық сақтау басқармасының басшысы Жақсылық Абдусаметов мәлімдеді. – Сырдария және Арал ауданында науқастармен қарым-қатынаста болған адамдар арасынан анықталды. Ал жаңа ошақ Қазалы ауданы Майдакөл ауылынан шыққан. Вирус жұқтырған адам Нұр-Сұлтан қаласынан келген, – дейді басқарма басшысы.
Айта кетейік, осы сағатта ауданда вирус жұқтырған адам саны 23-ке жетті.
