Тіршілік тынысы Сырдария аудандық қоғамдық-саяси газет

PDF нұсқалар мұрағаты

№ 25 газет

04 сәуір 2020 ж.

№ 24 газет

31 наурыз 2020 ж.

№ 23 газет

27 наурыз 2020 ж.

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930 
» » Басты мақсат – балалар қауіпсіздігі

Басты мақсат – балалар қауіпсіздігі

Өткен жылдың соңында Тараз қаласында оқыс оқиға орын алғаннан соң ҚР Білім және ғылым министрі Асхат Аймағамбетов Балалар құқығын қорғау жөніндегі ведомствоаралық комис­сия отырысында еліміздің барлық мектебіндегі сыртта орналасқан дәретханаларды жабу туралы айтқан болатын. МинИстрдің сөзінен соң республика мектептерінде қажетті шаралар қолға алына бастады. Жалпы Тараз қаласындағы келеңсіз жәйт орын алмай-ақ бұл мәселені халық қалаулылары талай көтеріп, далада орналасқан дәретханаларды ішке көшіру қажеттігін айтқан болатын. Бұл ең бастысы – балалардың қауіпсіздігі үшін айтылған ұсыныс. Міне, ұсыныс айтылып, жаңа оқу жылының да аяқталуына үш айдан аз уақыт қалды. Сонда да болса, елімізде дәретханасы сыртта орналасқан мектептер саны азаймай отыр. Сондай өңірлердің қатарында біздің аудан да бар.
Аудандық білім бөлімінің берген мә­ліметі бойынша 17 мектептің төртеуінде, атап айтқанда №35, №36, №37, №129 мектепте ішкі дәретхана бар. Олар аралық қабырғалармен бөлінген және талапқа сай жұмыс істеп тұр. Қалған 13 мектепте сыртқы аулалық дәретхана. Ұлдарға, қыздарға бөлек және мектеп қызметкерлеріне ар­налған дәретхана бар. Қолды жуу мектептің қолжуғышында жүргізіледі. Қол­ды кептіру үшін электрсүлгілермен барлық білім беру мекемелері қамтылған.
– Қоғамдық мәселеге айналған сырттағы дәретханаларды ішке көшіруге байланысты биыл аудандық бюджеттен тиісті қаржы бөлінді. Негізінен бүгінгі таңда ішкі дәретханасы жоқ 13 мектептің 11-де бұрын болған, дегенмен істен шығып, оны қайта жөндеуден өткізу қажет. Сондықтан тиісті қаржы сол дәретханаларды қайта қалпына келтіруге жұмсалатын болады. Ал мүлдем ізі де жоқ №210 және №126 орта мектеп дәретхана құрылысының жобалық-сметалық құжатына қаржы бөлінді, – дейді білім бөлімінің жауапты маманы Ж.Қойшыбаева.
Білім ошақтарындағы даладағы дәрет­ха­­налардың санитариялық жағдайын бақы­лай­тын аудандағы тауарлар мен көр­сетілетін қызметтердің сапасы мен қа­уіпсіздігін бақы­лау басқармасының бас маманы Қ.Омарова:
– Санитариялық-аулалық қондырғылар – бұл орталықтандырылған кәрізбен байланысы жоқ, объектінің аумағында орналасқан жер үсті бөлігімен қазылған шұңқыры бар дәретхана. Кәріз жүргізілмеген жерлерде мұндай дәретхана 75 адамға 1-еу және су құйылатын қолжуғыштарды 30 адамға 1-ден орнатуға жол беріледі. Дәретхананың жер үстіндегі үй-жайлары мен су өткізбейтін материалдан жасалған қазылған шұңқыры бар. Дәретхананы жинау дезинфекциялау құралдарын пайдала отырып күн са­йын жүргізілуі тиіс және қазылған шұңқырын уақытылы тазалау қажет. Аудандағы ішкі дәретханасы жоқ 13 мектепте осындай санитариялық талапқа сай дәретханалар жұмыс істеп тұр, – дейді.
Әрине, ең алдымен бала қауіпсіздігі, содан соң дәретханалардың санитарлық талапқа сай болуын мектеп басшылығы қатаң бақылауда ұстауы қажет. Сонда ғана ата-ана баласы үшін еш алаңдамайды.
М.Маханова, кент тұр­ғы­ны:
– Теледидардан мектеп әжетхана­ларында болып жатқан неше түрліні естіп, көріп отырған соң, әрине алаңдаймыз. Мектептің дәретханасы сыртта орналас­қандықтан «ба­ла­мыздың сыртқа шық­қандағы қауіп­сіздігін кім бақылайды екен» деген ойға келдік. Алаңсыз бей-қам отыруға болмайды, мектептің бір ғана кезекшісі ол үшін аздық етеді. Мектептегі жұмысшылар мен мұғалімдер баланың дәретханаға барып келгенін бақылап отырса деген ұсынысым бар. Мектепте орнатылған бейнекамера арқылы қауіпсіздіктің алдын аламыз деп отырғанымызда кеш қалып жүрмесек болғаны. «Сақтансаң – сақтайды» деп бекер айтылмаса керек.
Жоғарыда айтылған мәлімет бойынша аудандағы 13 мектептің жағдайы белгілі. Бүгінгі күнде дәретхананың сыртта болғаны – көңіл көншітерлік жағдай емес. Дегенмен бұл мақсаттағы жұмыстар өз деңгейінде жүргізіліп, белгіленген мерзімінде дәрет­ханалар пайдала­нуға беріледі деген үміттеміз. Сәтін салса, басталған іс аяғына жетіп, оның игілігін көретін күн де алыс емес деп сенгіміз келеді.

11 наурыз 2020 ж. 170 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам