Тіршілік тынысы Сырдария аудандық қоғамдық-саяси газет

PDF нұсқалар мұрағаты

№ 89 газет

16 қараша 2019 ж.

№ 88 газет

12 қараша 2019 ж.

№ 87 газет

09 қараша 2019 ж.

Жаңалықтар мұрағаты

«    Қараша 2019    »
ДсСсСрБсЖмСбЖс
 123
45678910
11121314151617
18192021222324
252627282930 
» » ДОСТЫҚТЫҢ ТАМЫРЫ ТЕРЕҢ

ДОСТЫҚТЫҢ ТАМЫРЫ ТЕРЕҢ

Бір көшеде яки ауылда тай құлын­дай тебісіп, өз уақытында қатар ер жеткен олар бөлінуді емес, бірігуді мақсат тұтады. Достығына сызат түсірмеуге барынша қолдан келгенді жасап бағатын әрқайсысының болмысы азаматтық келбетін айшықтайды. Кішкентайынан ауыл топырағында алысып, балалық балдәуреннің қызықты сәттерін бірге өткізген олардың барлығы бүгінде бір елге қорған болатындай жігіттің төрелері. Қазықтай қағылған қайраттылық, досқа деген адалдық, өзара түсіністік татулықтың мызғымас үлгісі деп білеміз. Сол тай-құлындай тебісіп бірге өскен досты ұмыту, әсте мүмкін бе? Күні кеше қасыңда жүрген достан әп-сәтте айырылып қалу кімге де оңай емес. Олардың бәрі есеңгіреп, төбеден жай түскендей қабылдады бұл жайсыз хабарды. Көңіл шіркін, сенгісі жоқ. Бірақ жазмыштан озмыш жоқ. Одан бері де арада бір жыл уақыт өтті. Әрине Құран бағыштап, бет сипар. Дегенмен достықтың сыналар тұсы осы болды. Бәрі ақылдаса келе аяулы досты мәңгі есте қалдыру шарасын жасады. Спорттың бірнеше түрінен турнир өткізу дұрыс деп шешті.
«Досыңды қасыңда болған кезде ғана емес, болмаған кезде де есіңе ал» деп Фалес айтқандай, Еркін Сәбитұлының өткені шындығында ес­телікке толы. Оның достарының ара­сындағы беделі ерекше болатын. Өзіне тән мінезінен нағыз табандылық нышаны байқалып тұратын. Ол ойын ашық айтуға үйренген. Санаулы жылдар желісінде нағыз жігітке тән қайсарлыққа бой үйреткен Еркін жалыннан тайсалмай талай өмірді ажалдан арашалады. Онысын «парызым» деп түсіндіретін. Еңбегімен ел халықтың алғысына бө­леніп, төтенше жағдайдың алдын алуға білек сыбана кіресетін. Ондағы мақсаты дер кезінде шығынға ұшырамас үшін жедел іс-қимылға көшудің қарекетін жасау болатын.
Сол күні орталық стадионға жи­нал­ған халық тың бастаманың куә­гері болды. Бала күнінен бірге келе жатқан достары мен қызметтес бол­ған ұжымдастары Еркін Сәбитұлын еске алуға арналған әр түрлі спорт түрлерінен аудандық мекемелер арасында жарыс өткізді. Атап айтқанда, 160-қа жуық мекеме қызметкері күрес, гір спорты, арқан тарту, кіші футболдан бақтарын сынады. Жарыстың ашылу салтанатында бірқатар азамат сөз алып, оның жарқын естелігін, жүріп өткен жолын тілге тиек етті. Барлық командаға сәттілік тілеген бауырлары мен достары Еркін жайлы естелік әңгімесін айтты.
Жарыс қорытындысында қол кү­рестен ІІІ орынды А.Өмірбеков, ІІ орынды Е.Сансызбаев, І орынды И.Алтынбайұлы, гір спортынан ІІІ орынды Н.Сейтбай, ІІ орынды А.Ақылбеков, І орынды Ж.Төлегенов, арқан тартудан ІІІ орынды «Денсаулық» командасы, ІІ орынды «Аудандық мешіт» командасы, І орынды «Достар» командасы, кіші футболдан ІІІ орынды «Қазақстан темір жол» командасы, ІІ орынды «№7 өн сөндіру бөлімі» командасы, І орынды «Аудандық мешіт» командасы еншіледі. Біз осы шарада тамыры тереңде жатқан достықтың куәсі болдық. Өзі өмірден өтсе де адал досты еске алып, оның адами болмысын, өзі тірісінде айтылмаған жақсы қасиетін, қайсарлығын, өмірге құштарлығын паш етті. Қазіргі қоғамда жетіспей жатқан адамдардың бір-біріне деген мейірбандығын көрдік. Біз осыған риза болдық. Және бұл шараның кейінгі ұрпаққа өнеге боларлық тұсы көп екенін аңғардық.

Балтабай ОРДАБЕКОВ
13 шілде 2019 ж. 105 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам