«Астана» Еуропаның үздік 50 командасы қатарында
Нұр-Сұлтан, BAQ.KZ. Футболдан 2019/20 жылғы еурокубок маусымының алдында клубтардың рейтингі жарияланды.
Рейтинг клубтардың соңғы бес жылдағы көрсеткіштері бойынша жасалды. Алтыншы жыл қатарынан бірінші орынды Мадридтің «Реалы» бермей тұр. Олар 121 000 ұпай жинаған.
Қазақстан командаларынан елорданың «Астана» клубы үздік 50-команданың қатарында. Былтыр жерлестеріміз 67 - орында болған. Қазақстанның 5 дүркін чемпионы 27.500 ұпаймен УЕФА-ның рейтингінде Қазақстан командалары арасында үздік болып тұр.
«Қайрат» 5,500 ұпаймен 175-орынға жайғасқан. «Тобыл», «Ертіс», «Ордабасы» және «Ақтөбе» 277-ден 280-ге дейінгі орындарды өзара бөлісіп тұр (3,175 ұпайдан бар).
BAQ.KZ
Фото: ашық дереккөз
