Жақында Павлодар қаласында волейболдан 2005- 2006 ж.т. жасөспірім ұлдар арасында Қазақстан Республикасының қысқы чемпионаты мәресіне жетті. Бұл дүбірлі додаға еліміздің 16 облыстарынан командалар қатысты.

Жарыс нәтижесі бойынша Қызылорда облысы құрама командасы І орынды иеленді. Жас спортшылар өткен жылы Қазақстан Республикасының жазғы және күзгі чемпионаттарына қатысып, екі мәрте ел чемпионы атанған болатын. Осымен үшінші рет осы жас ерекшелігі бойынша алтыннан алқа тақты.

Облыстың мерейін асырып жүрген командада №11 Сырдария олимпиадалық резервтің мамандандырылған балалар-жасөспірімдер мектебінен екі спортшысы бар. Олар Мақсат Мелс пен Даниял Мүбараков. (Жаттықтырушысы Айбек Сейпулов).

Спортшылар қазіргі уақытта Талдықорған қаласында өтетін Қазақстан Республикасының көктемгі чемпионатына дайындық үстінде.