Дзюдошылар Азия чемпионатында 5 алтын медаль еншіледі
Иорданияның Амман қаласында өткен жастар арасындағы Азия чемпионатында Қазақстан құрамасы сәтті өнер көрсетіп, жалпы 5 алтын, 4 күміс және 3 қола медаль еншіледі, деп хабарлайды Egemen.kz.Чемпион атанған спортшылар қатарында Айнара Сейітжанова (48 келіге дейін), Нұрбала Зайнул (52 келіге дейін), Ролан Қайырғали (66 келіге дейін), Гүлсезім Тұрлыбек (78 келіге дейін) және Санжар Ерұланұлы (100 келіге дейін) бар.
Күміс жүлдені Дамеля Асылханова (63 келіге дейін), Ерасыл Ержанов (66 келіге дейін), Мұхамедали Закиров (73 келіге дейін) және Руслана Махатова (78 келіден жоғары) жеңіп алды.
Ал Айзат Наукенова (48 келіге дейін), Айдана Абиханова (63 келіге дейін) және Шынар Бітімбай (70 келіге дейін) жарысты қола медальмен қорытындылады.
Еске сала кетейік, бұған дейін Чехия астанасы Прага қаласында өткен дзюдодан Еуропа кубогінде Қазақстан құрамасы қос алтынды қоржынға салып қайтқан еді.
Фото: ҰОК
