Испания құрамасының талантты ойыншысы 2024 жылғы Еуропа чемпионатынан кейін бірден 30 миллион еуроға қымбаттап, қазір 120 миллионға бағаланған.

Сонымен қатар Ямаль сайт тарихындағы құны 100 миллионнан асатын алғашқы жас футболшы болды.

Сондай-ақ Ламинмен бірге бірқатар жас футболшының трансферлік құны Еуро-2024-тен кейін қымбатқа бағаланып отыр. Олардың ішінде түрік футболшысы Арда Гүлер мен неміс шабуылшысы Жамал Мусиала бар.

Бұған қоса, Ламин Ямальдың агенті, португалдық Хорхе Мендеш соңғы уақытта, әсіресе Еуро-2024 кезіндегі күшті көрсеткіштеріне байланысты клиентінің жалақысын көтеруді талап етіп отырғандығы хабарланған.

Еске сала кетейік, жақында «Барселонаның» 17 жастағы вингері Ямаль Еуропа чемпионатының үздік жас футболшысы жүлдесін алған еді. Сондай-ақ ол Германияда бірден екі әлемдік футбол рекордын жасады.