Тіршілік тынысы Tirshilik-tynysy.kz ақпараттық агенттігі
» » Спорттық сайыста бақ сынады

Спорттық сайыста бақ сынады

Спорт – денсаулық кепілі. Ал қызмет пен отбасыны тең ұстап, онымен қоса саламатты өмір салтын сақтаған қыз-келіншектерді, расында да, «қырық жанды» деуге негіз бар. Кеше мемлекеттік мекемеде қызмет жасайтын нәзік жандылар арасында волейболдан жарыс өтті.

Күндегі күйбең тіршіліктен бой жазған сайысқа қатысушылардың көңіл-күйі көте­ріңкі болды. Мереке қарсаңында арнайы ұйымдастырылған іс-шара нәзік жандыларды бір серпілтіп, өздерін жаңаша қырдан танытуға мүмкіндік берді.

120-ға жуық қыз-келіншек қатысқан спорттық сайысты аудан әкімінің орынбасары Димаш Байдушев ашып берді.

– Сіздерді көктемнің шұғылалы мерекесі 8 наурыз – халықаралық әйелдер күні мерекесімен шын жүректен құттықтаймын. Әйел – Ана, әйел – мәңгілік жыр. Ана бір қолымен бесікті тербетсе, екінші қолы­мен әлемді тербетеді. Бүгінгі сайысқа мем­лекеттік мекемеде қызмет атқаратын әйел­дерден құрылған 10 топ қатысып отыр, – деді аудан әкімінің орынбасары.

Нәзік жандылар сынға түскен аудандық бәсеке тартысты өтті. Күнделікті өмірде ауданның әл-ауқатын жақсартып, алға жылжуына өзіндік үлесін қосып жүрген жандар кәнігі спортшылардан кем түс­педі. Тартыс­ты ойын өрнегін көрсетіп, жан­күйерлердің ыстық ықыласына бөлен­ді. Сайыс қоры­тындысы бойынша әділ­қа­зылардың шеші­мімен үш команда жүл­дегер атанды. Оның ішінде аудан әкімдігі аппаратынан құрылған команда жүлделі бірінші орынды жеңіп алды. Екінші орын аудандағы білім саласының қыз-келіншек­теріне бұйыр­ды. Үшінші орынды Н.Ілиясов ауылының ко­ман­дасы қанжығаға байлады. Сайыс же­ңімпаздарына арнайы алғыс хатпен қоса бағалы сыйлықтар тарту етілді.

Сон­дай-ақ үздік ойыншылар да марапат тұғырынан көрінді. Олардың қатарында Сан­дуғаш Ысқақова «Үздік қорғаушы», Алима Байманова «Үздік шабуылшы», Мақпал Мығымбаева «Үздік ойыншы», Марина Жан­сейітова «Үздік үйлестіруші», Гүлнар Тұр­лыбекова «Үздік ойыншы» но­ми­на­ция­ларын жеңіп алды. Марапат ие­ле­рі­не жүлдені аудандық мәдениет және спорт бөлімінің басшысы Жігер Айекешов та­быс­­­­­ етіп, мерекемен құттықтады.

А.МҰХАНБЕТҚАЛИ
07 наурыз 2023 ж. 298 0