Ашық турнир жеңімпазы – «Мансұр-Сырдария»

Кент орталығындағы спорт кешенінде аудан әкімдігінің қолдауымен аудандық спорт бөлімінің ұйымдастыруы­мен сала ардагерлері Бақытжан және Пазылхан Абдулпаттаевтардың құрметіне шағын футболдан ашық турнир өтті.

Турнирдің ашылу салтанатына аудан әкі­мінің орынбасары Д.Байдушев, аудандық ардагерлер кеңесінің төрағасы М.Келдібаев қа­тысып, спортшыларға сәттілік тіледі.

– Киелі Сырдария ауданы қай кезде де өзінің спортшыларымен мақтанады. Әсіресе ұлттық спортты дамытуда ауданда ерекше серпіліс бар. Ауқымды спорт жарыстарын ұйымдастыруға үлес қосқан спорт ардагерлеріне алғысымызды білдіреміз. Ағайынды спортшылар ауданда спорт төресі футболды дамытуға зор үлес қо­сып, мыңдаған шәкірттер тәрбиелеп, осы спорт саласының өркендеуіне ерекше атсалыс­ты. Ашық турнирге қатысуға келген барлық спор­т­шыларға сәттілік, жеңіс тілейміз, – деді Димаш Серікбайұлы.

8 команда, 100-ге жуық спортшы қатысқан жарыс екі күнге созылып, нәтижесінде І орынды «Мансұр-Сырдария», ІІ орынды «Достар-Қызылорда», ІІІ орынды «Бай­қоңыр» және VІ орынды «Қазалы-Авангард» командалары жеңіп алды. Сонымен қатар «Үздік қақпашы» Б.Мұратов (Қазалы-Авангард), «Үздік қорғау­шы» С.Әмзеев (Те­реңөзек 35 командасы), «Үз­дік ша­буылшы» Е.Тұрсыманов (Мансұр-Сыр­дария), «Үздік сұр­мер­ген» Д.Маханбетов (Достар-Қызыл­ор­да), «Үздік ойыншысы» номинациясымен Д.Сержанов (Байқоңыр) турнир үздіктері атан­­ды. Жарыс жеңімпаздары кубок, диплом, ме­­даль және ақшалай сыйлықтармен марапаттал­ды.

Айту керек, шағын футбол 35 жастан асқан спорт­шылар арасында өтті. Жарысқа аудандық спорт бөлімі, Бақытжан, Пазылхан Абдулпаттаев, қос спорт ардагерінің шәкірттері, «Мансұр» спорт клубы, №210 О.Абдулпаттаев атындағы орта мектеп демеушілік жасады.

Бибісара ТАҢАТАРҚЫЗЫ