«AMANAT» партиясының аудандық филиалында аудандық мәслихаттың депутаты болған, мәслихаттың дам­уына өзіндік үлес қосқан азаматтарды, атқарушы органда жұмыс істеп жүрген бірқатар қызметкерлерді мерекелік медальмен марапаттауға арналған жиын өтті. Жиынға аудандық мәслихаттың төрағасы Ержан Әжікенов, «AMANAT» партиясының Сырдария аудандық филиалының Атқарушы хатшысы Ақтөре Ибрагимұлы, БАҚ өкілдері қатысты.

1993 жылы 8 желтоқсанда «Қа­­зақ­с­­­­­­­­­тан Республикасы халық депутат­­та­ры жергілікті Кеңестерінің өкілеттігін мер­­зімінен бұрын тоқтату туралы» Қазақстан Республикасының Заңы қабыл­данды. Сол күнгі «Қазақстан Рес­публикасының Жоғары Кеңесі мен жергілікті өкілді органдары депу­таттарының сайлауы туралы» Заңына сәйкес мәслихаттардың алғаш­қы сайлауы 1994 жылғы 7 наурыз­ға белгіленді. Міне, содан бері 30 жы­л­дан астам уақыт өтті.

Қазіргі кезеңде елімізде Прези­денттің бастамасымен мемлекет пен қоғамды түбегейлі жаңарту үдерісі қарқынды жүргізілуде. Сондай-ақ ел экономикасын дамытуды күшейтудің алғышарты ретінде саяси модернизация да жүйелі жүзеге асуда. Яғни мемлекеттік қызмет пен сервистік жұмыстың сапасын арттыруда қоғам­дық ұйымдарды және азаматтық секторды белсенді қатыстыру жұмысы жетілдірілуде.

Осы орайда жуырда ғана Астана қаласында өткен барлық деңгейдегі мәслихаттар депутаттарының II рес­публикалық форумына Мемлекет басшысы, Үкімет мүшелері және Парла­мент пен барлық деңгейдегі мәслихаттар депутаттары қатысты.

Форумда сөз сөйлеген Мемлекет басшысы ауқымды тақырыптарды қам­тып, елдігіміздің бағыт-бағдарын айқын­дайтын бірқатар өзекті мәселе­лерге тоқталған болатын.

«Мәслихат – мемлекеттік биліктің өте маңызды тармағы. Аймақ жұрт­шылығының тыныс-тіршілігі, мұң-мұқтажы қашанда мәслихат депутат­тарының жіті назарында болуға тиіс. Сайлаушылардың мүддесін қорғап, ел үмітін ақтау – басты парыз. Мен мәслихаттардың қызметіне ерекше мән беремін» деген Президент елімізде жүргізіліп жатқан реформаларды іске асырудағы мәслихат депутаттарының ерен еңбегі мен қоғамдағы қызметі айрықша маңызға ие екенін атап өтті.

– Негізінен, облыс әкімі Нұрлыбек Машбек­ұлы, облыстық мәслихат төр­ағасы Мұрат Жолкелдіұлы мәс­лихаттың тұр­­ғын­дармен тығыз-қарым қатынас ор­натуы қажеттігін әрдайым баса айтып келеді. Бұл бағытта жұмы­сымыз бір жүйеге түскен. Мәслихаттың 12 депутатының 11-і «AMANAT» пар­тия­­сынан сайланған болса, 1 депутат «Ауыл» партиясының өкілі. Бүгінде 3 депутаттық мандат бос тұр, 8 желтоқсан күні 2 мандат бойынша сайлау өтіп, Айдарлы, Жетікөл және Аманкелді ауылдарының халқы өз таңдауларын жасайды. Біз сессиялар мен тұрақты комиссия отырыстарында мәслихаттың құзыре­ті­не сай шешімдер қабылдап, депутат­тық сауал жолдап, қабылдау өткізіп, көшпелі жиналыс өткізудеміз. Бұл – біздің мәслихат депутаты ретіндегі басты міндетіміз. Осы міндетті жұмысты жүзеге асыру барысында өздеріңіз салған сара жолға қарап, бағыт-бағдар ала­тынымызды айта ке­тейін, – деді аудандық мәслихат төра­ғасы Ержан Ертарғынұлы.

Мәслихат төрағасы әр кезеңдегі шақы­рылым­да депутат болған бір­қа­­тар азаматты және жергілікті мемле­кеттік басқару және өзін-өзі басқару­дың дамуы мен қалыптасуына елеулі үлес қосып жүрген азаматтарды «Қазақстан Рес­публикасы мәслихат­тарына 30 жыл» мерекелік медалімен марапаттады.

Содан соң партияның жаңа мүше­леріне партиялық билеттер табыс­тау салтанаты өтті. Партиялық би­лет­­ті «AMANAT» партиясы Сыр­дария аудандық филиалының төра­ғасы Ержан Әжікенов тапсырды. «AMANAT» партиясы аудандық фи­лиа­лы­ның Атқарушы хатшысы Ақтөре Ибрагимұлы жаңадан қабыл­данған партия мүшелерін құттықтап, партия­ның тарихы, жетістіктері, жобалары мен алдағы мақсат-міндеттері туралы айтты.