Жолаушылар әрең үлгеріп шықты: Петропавлда автобус түгі қалмай өртеніп кетті
9 мамыр күні кешке Петропавл қаласының Жұмысшы ауылындағы соңғы аялдамада жолаушылар тасымалдайтын 8-ші шағын автобус түгі қалмай өртеніп кетті, деп хабарлайды Stan.kz ақпарат агенттігі Петропавловск.news-ке сілтеме жасап.
Куәгерлердің айтуынша, өрт шамамен сағат 19: 30-да басталған. Ол кезде автобустың ішінде адамдар болған. Абырой болғанда, жолаушылардың барлығы автобустан шығып үлгерді.
Өкінішке орай, өрт сөндірушілер келгенше көлік құралының іші толығымен өртеніп кетті. Қазірге өрттің шығу себебі белгісіз.
