Қоғамдық орында масаң күйде жүргені үшін айыппұл салынды

Сырдария аудандық сотында азамат У.-ға қатысты әкімшілік құқық бұзушылық туралы іс қаралды. Анықталғандай, азамат У. Әкімшілік құқық бұзушылық туралы Кодексінің 440-бабы 1-бөлігінде көзделген құқық бұзушылық әрекеті үшін әкімшілік жаза қолданылғаннан кейін бір жыл ішінде қайталап, қоғамдық орында алкогольді ішімдік ішкеннен мас күйінде, адамның қадiр-қасиетiн және имандылықты қорлайтын деңгейде жүрген.

Сотта У. әрекетін толығымен мойындап, шын жүректен өкінетінін, отбасылық және денсаулық жағдайын ескеріп, өзіне жеңіл жаза қолдануды сұрады.

У.-дың әрекеті ӘҚБтК-нің 440-бабының 3-бөлігімен сараланған, өйткені ол бұрын осы баптың 1-бөлігінде көзделген құқық бұзушылық әрекеті жасаған. Сот қаулысымен азамат У. Қазақстан Республикасының ӘҚБтК-нің 440-бабы 3-бөлігімен кінәлі деп танылып, оған 25 844 теңге айыппұл салынды.

Сырдария  аудандық сотының баспасөз қызметі

Фото: Н.НҰРЖАУБАЙ