Қызылордада төрт мың бөдене бар фабрика өртеніп кетті
![](/uploads/posts/2024-02/1709103925_bez-nazvaniya.jpeg)
28 ақпанда сағат 04.37-де жеке бір қабатты құс фабрикасының төбесі 288 шаршы метр аумақты өрт шарпыды. Зардап шеккендер мен қаза болғандар жоқ. Өрттің алдын ала себебі анықталуда, - деп хабарлады Төтенше жағдайлар министрлігі.
Куәгерлердің айтуынша, құс фабрикасының ғимаратында 4 мың бөдене болған.
Өрт сағат 06.12-де сөндірілді. Төтенше жағдайлар министрлігінің хабарлауынша, өртті сөндіруге жеке құрамның 7 адамы мен 2 бірлік техникасы жұмылдырылған.
Фото: ТЖМ