Синтетикалық есірткімен ұсталған қызылордалық 3 жылға бас бостандығынан айырылды

Қызылордада 28 жастағы ер адамға қатысты қылмыстық іс бойынша тыңдау аяқталды. Полицияның мәліметінше, ер адамнан өте үлкен мөлшерде  синтетикалық есірткі табылған, деп хабарлайды Кyzylorda-news.kz.

Сотталушының айтуынша, 2023 жылдың мамырында көпқабатты үйлердің жанындағы ағаштардың арасынан өтіп бара жатып, 1 дана қызыл жабысқақ таспаға оралған ұнтақ зат салынған пакетті тауып алған. Одан кейін ол сондай пакеттерді тағыда тапқысы келгендіктен, іздеуді жалғастырып, жақын жерді қазу арқылы тағыда 3 дана қызыл жабысқақ таспаға оралған ұнтақ заттарды қосымша тауып, заңсыз иемденген. Табылған синтетикалық есірткі заттардың жалпы салмағы 2,14 грамм құраған. 
Полиция қызметкерлері күдікті адамды ұстады. Қызылорда қаласының №2 соты сотталушы өткізу мақсатынсыз аса ірі мөлшерде психотроптық заттарды заңсыз сатып алғаны, сақтағаны, яғни Қазақстан Республикасы ҚК 296-бабының 4-бөлігінде көзделген қылмыс жасағанындығы жайлы мемлекеттік айыптаушының ұстанымымен келісіп, оны  3 жыл мерзімге бас бостандығынан айырып, орташа қауіпсіздік деңгейдегі қылмыстық-атқару жүйесі мекемесінде жазасын өтеуді тағайындады.