Тіршілік тынысы Tirshilik-tynysy.kz ақпараттық агенттігі
» » «Қазақстан» шахтасындағы өрт: тағы бір адамның денесі табылды

«Қазақстан» шахтасындағы өрт: тағы бір адамның денесі табылды

«АрселорМиттал Теміртау» АҚ атқарушы директорының орынбасары Сергей Огай «Қазақстан» шахтасындағы төтенше жағдай салдарынан көз жұмған тағы бір жұмысшының денесі табылғанын мәлімдеді, деп жазады Egemen.kz.

18 тамыз күні сағат 8.15-те шахта жұмыстарын жүргізу кезінде тағы бір адамның денесі табылып, жер бетіне шығарылды.

Алғашқы болып электрик Виталий Слюньковтың денесі табылды.

Тағы үш адамды іздеу жұмыстары жалғасуда.

Айтайық, апат кезінде 227 қызметкер жер астында болған. Апатты жою жоспары дереу енгізіліп, 222 адам жер бетіне шығарылды.

Бұған дейін «АрселорМиттал Теміртау» АҚ «Қазақстан» кенішінде іздеу жұмыстарын жалғастыруға уәде берген болатын. Қазақстан Республикасының Президенті Қасым-Жомарт Тоқаев «Қазақстан» кенішіндегі төтенше жағдайға байланысты тапсырма беріп, шетелдік меншік иелеріне ескерту жасаған.

Бұрын хабарланғандай, шахтадағы өрттен зардап шеккендер саны сегізге дейін өсті. Ауруханаға түскен сегіз кеншінің екеуі жансақтау бөлімінде жатыр.

ҚР Қылмыстық кодексінің 2-бөлігі бойынша сотқа дейінгі тергеу басталды. (Тау-кен немесе құрылыс жұмыстарын жүргізу кезіндегі қауіпсіздік ережелерін бұзу). Іс Қарағанды облысы прокуратурасының бақылауында.

Фото: primeminister.kz
18 тамыз 2023 ж. 133 0