Балалар мезгілсіз уақытта жүрмеуі тиіс

Биылғы жылдың маусым айының 11-17 аралығында Сырдария ауданы көлемінде «Түнгі қаладағы балалар» жедел профилактикалық  іс-шарасын өткізілуде.

Іс-шараның негізгі мақсаты – аудан көлемінде құқықтық тәртіпті қамтамасыз ету, көшелерде, басқа да қоғамдық орындарда кәмелетке толмағандардың арасындағы қылмыстарды, оның ішінде топтық төбелес, суық қаруды тасымалдау, бопсалау сынды қылмыстардың алдын-алу, ескерту, жолын кесу екені мәлім. Сондай-ақ қылмысқа бейім оқушылар мен студенттер арасында құқыққа қайшы  іс-әрекеттерге баруына жол бермеу, кәмелетке толмағандарға алкоголь өнімдерін, темекі бұйымдарын сату тиым салу көзделген. Олардың түнгі уақытта заңды өкілдерінің ілесіп жүруінсіз ойын-сауық мекемелерінде және тұрғын  үй-жайлардан тыс болуы деректерін анықтау, қылмыс жасағандары үшін тізімдік және профилактикалық есепке алу, сонымен қатар тәрбиесімен айналыспайтын ата-аналарды анықтау жұмыстарын  барынша жандандыру болып табылады.

Құқық қорғау саласының мамандары мезгілсіз уақытта жүрген балаларды анықтап, тиісті шара көруде. Алдағы уақытта қылмыс жасаған жасөспірімдер есепке алынатын болады.