Меморандумға қол қойды
Биылғы жылы Қызылорда облысының жастар одақтары қоғамдық бірлестігінің ұйымдастыруымен арнайы әлеуметтік жоба әзірленген болатын. Жоба қоғамдық санада сыбайлас жемқорлықтың көріністеріне жол бермеуді қалыптастыру тақырыбын қамтиды. Аудандық ішкі саясат бөлімінің тапсырысы аясында арнайы іс-шара жоспарын әзірлеген қоғамдық бірлестік алдағы уақытта қоғамдағы белең алған жемқорлық көріністерімен күрес жүргізіп, сыбайластықтың алдын алу бағытында бірқатар іс-шара өткізетін болады.Жақында аудан прокуроры Е.Алмазұлы, полиция бөлімінің бастығы Н.Ибраев, «Nur Otan» партиясы Сырдария аудандық филиалы төрағасының бірінші орынбасары Е.Жақып, аудандық ішкі саясат бөлімінің басшысы А.Мырзахметова және Қызылорда облысының жастар одақтары қоғамдық бірлестігінің төрағасы С.Жұмабай меморандумға қол қойып, алдағы уақытта атқарылатын жұмыс жоспары пысықталды.
Айта кету керек, жыл бойы әлеуметтік жоба арқылы іске асатын іс-шаралар, әсіресе жастар арасында кеңінен насихатталып, жүргізілетін болады.
«ТТ» ақпарат
