Тіршілік тынысы Сырдария аудандық қоғамдық-саяси газет

PDF нұсқалар мұрағаты

54 газет

16 шілде 2019 ж.

53 газет

13 шілде 2019 ж.

№52 газет

10 шілде 2019 ж.

Жаңалықтар мұрағаты

«    Шілде 2019    »
ДсСсСрБсЖмСбЖс
1234567
891011121314
15161718192021
22232425262728
293031 
» » ӘЙЕЛДЕРДІҢ КҮЙЗЕЛІСКЕ ТҮСУ СЕБЕБІ

ӘЙЕЛДЕРДІҢ КҮЙЗЕЛІСКЕ ТҮСУ СЕБЕБІ

30 жастағы қыз-келіншектер күйзеліске жақын болады. Жас кезде көңіл бөлетін, айналысатын қызықты істер көбірек болады. Ал 30 жастан асқанда әйелдер күндіз жұмыстан бас алмай, жеке бастың қамы мен өз еңбегінің жемісін көруді ұмытады. Назарларыңызға әйелдерде орын алатын бұл күйзелістің нақты себептерін ұсынамыз.
30 жас нәзік жандылардың ақыл-ойы нағыз толысатын уақыт десек те болады. Олар кешегісі мен бүгінгісін, ертеңін парасатты түрде ойлана бастайды. Психолог мамандар 30 жастағы күйзелістің басты себебі, ішкі сезімдер мен шындықтың сәйкес келмеуінен деп түсіндіреді. Балалық шақ пен одан кейінгі жасөспірімдік кезеңдердегі қиялдар мен арман әлемі мәңгі тұрақтамайтынын сезіне алады. Өмірдің сан түрлі соқпағындағы келеңсіздіктер мен сынақтар көңілге қаяу салады. Кейде күйзеліске гормондар, шаршауды кінәлайтыны белгілі. Алайда шындық ішкі дүниенің тереңінде болып жатқан арпалыстан шығатыны айқын. Өз қолымен қалаған бақытты өмір мен мақсаттар ішкі әлеммен сәйкес келмейтіндігі мазалайды. 

Күйзелістің тағы бір себебі, бұл жаста әйелдердің әлеуметтік рөлі өзгереді. Бірі – ана, бірі – жар атанады. Кешегі студенттен кәсіби маманға айналады, жаңа отбасының негізін қалайды. Оларға деген жауапкершілік артады да өзіне деген уақыты азая бастайды. Жауапкершілік пен жүктелген міндет күннен-күнге ұлғаяды. Мұндай өзгерістер әрине, әйел баласына оңай емес, өзін жоғалтады. 

Ішкі дүниедегі толғаныстың соңы күйзеліспен аяқталады. Осы орайда өміріңізге өзгеріс енгізуге талпыныңыз. Мұны кішкентай нәрседен де бастай аласыз. Алайда оған еңбектенуге тура келеді. Әрбір бастау алған істің жемісін қанағат тұту келесі биікті жақындатады. 

Күйзелісті қолдан жасайтындар да бар. Қандай жағдай болмасын бұдан шығатын жолды әйел заты өзі табуы тиіс. Ұсақ мәселелерді көңілге алып, ашуланудың қажеті жоқ. Сыртқы кескін-келбетке мән беріп, күтініңіз. Бұл өзіңізді еркін, көңілді сезінуге ықпал жасайды. 

Өмірде қандай өзгерістер болса да, әйел адам өзіне міндетті түрде уақыт бөлуі тиіс. Нәтижесінде бағаңызды арттырасыз. Өзін қызықтыратын кез келген іспен айналысу да жаныңызды жадыратады. 

Әйел затының көңіл-күйі мен өзгерістері ер-азаматтың да назарынан тыс қалмағаны жөн. Жарының жанын түсіну арқылы жоғарыдағы келеңсіздіктен келіншектерді құтқаруға болады. Отбасы бірлігі мен тыныштығы, берекесі мен жылулығын сақтайтын аяулы жанның күйзеліске түспеуіне ер-азаматтардың да үлесі бар.

Дереккөз: Reactor


08 шілде 2019 ж. 46 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам