Алматы тұрғындары жер сілкінісін сезді, - деп хабарлайды Tengrinews.kz тілшісі.  Қалалық ТЖД баспасөз қызметінің мәліметінше, ҚР БҒМ Ғылым комитетінің Сейсмологиялық тәжірибе-әдістемелік экспедициясының мамандары бірінші жерасты дүмпуін 26 шілдеде Алматы уақыты бойынша сағат 23.29-да тіркеген. Жер сілкінісінің ошағы Алматыдан 109 шақырым жерде солтүстік-шығыс аумақта болды. Зілзаланың энергетикалық класы - 11,4, тереңдігі - 15 шақырым, магнитудасы 5,4-ке тең. Жер сілкінісі 2 балл түрінде сезілген. Екінші жерасты дүмпуі 26 шілдеде сағат  23.32-де тіркелген. Жер сілкінісінің ошағы Алматыдан солтүстік-шығысқа 111 шақырым жерде - Алматы облысы, Кербұлақ ауданы, Шолақ ауылының маңында болған. Зілзаланың энергетикалық класы - 12,1, тереңдігі - 30 шақырым, магнитудасы 5,7-ге тең. Жер сілкінісі 2-3 балл түрінде сезілді. Сондай-ақ, зардап шеккендер мен қираған нысандар туралы мәлімет жоқ екені айтылады.
Толығырақ: https://kaz.tengrinews.kz/events/almatyi-turgyindaryi-jer-slknsn-sezd-290758/
Материалды көшіріп басқанда Kaz.tengrinews.kz сайтына гиперсілтеме міндетті түрде қойылуы тиіс. Авторлық құқықты сақтаңыз.