Жастарға шетелдік әскери қақтығыстардың құқықтық салдары түсіндірілді
Студенттер мен әскерге шақырылушылар арасында шетелдік әскери қақтығыстарға қатысудың құқықтық салдары және мұндай әрекеттер үшін көзделген қылмыстық жауаптылық туралы түсіндіру іс-шарасы өткізілді.Іс-шара барысында жастарға шетел аумағындағы қарулы жанжалдарға заңсыз қатысудың қауіптілігі, қолданыстағы заңнама талаптары және қылмыстық жауаптылық мәселелері түсіндірілді. Сонымен қатар күмәнді ұсыныстарға ермеу, әлеуметтік желілердегі арандатушылық ақпараттарға сақтықпен қарау және заң талаптарын сақтау қажеттігі айтылды.
Кездесу барысында қатысушыларға әскери қызметке жауапкершілікпен қарау, ел қауіпсіздігі мен бейбітшілікті сақтаудың маңыздылығы жөнінде ақпарат берілді.
