Жалпы, жиында тариф «Қазсушар» РМК «Сыр суы» филиалы теңгеріміндегі 6 топтық және 6 оқшау арқылы ауыз­суды тұтынушыларға жеткізумен қатар сар­қынды суды бұру қыз­меттерін жүзеге асыру жайлы айтылды.

Фил­иалдың қызмет көр­сету аумағында жалпы саны 495 234 халық болса, або­ненттердің жалпы саны 95 278. Оның ішінде, топтық су құбырлары арқылы 135 елді ме­кенді 349 551 тұрғынды және таратушы жү­йелер арқылы 59 елді мекенді 145 683 тұрғынды ауызсумен жә­не 5821 тұрғынды сарқынды суды бұру (кәріз) қызметтерімен қам­тамасыз етеді.

– Амортизация қаражаты есебінен Қызылорда қа­ласына қа­расты Сырдария ау­дан­дарындағы тозығы жеткен ауыз­су нысандарына күрделі жөндеу және қайта жаң­­ғырту жұ­­мыстары жос­парланған. Іс­тен шыққан насос қон­дырғыларын за­манауи ЭЦВ, ГНОМ, 1К, ЦНС маркалы на­состармен ауыстыру, электр қондырғыларын жаңғырту, сондай-ақ ауызсу нысандарын автоматтандыру және цифр­ландыру жұмыстары кезең-кезеңімен жүзеге асырылады, – деді «Сыр суы» филиалы директоры міндетін атқарушы Ержан Әмишаев.

Өз кезегінде филиалдың шығынсыз жұмысын қалып­тастыру және тұты­ну­шыларға сапалы ауызсу беру қызметін үздіксіз атқару үшін тарифті өсіруге өтінім ұсынылды. «Сырдария кәріз желілері» арқылы бес кәріз насос станциясы мен ұзындығы 12,095 шақырым кәріз желісі арқылы 1 345 тұрғынға қызмет көр­сетіліп отырғаны жөнінде кеңінен ақпарат берілді. Бұл бағыттағы басты міндеттер фил­иалдың шығынсыз жұ­мы­сын қамтамасыз ету, ны­сандардың тозуын азайту жә­не әлеуметтік мәселелерді шешу екенін сала мамандары жеткізді.