Күні-түні дамылсыз жұмыс ат­қарып, нау­­қас жанынан табыла білген білікті ма­­­ман Бибінар Сағын­байқызы – Шиелі ауданының ту­­масы. Мектеп қа­бырғасында оқып жүр­геннен медицина ма­ман­дығына ба­­руды ой­лаған ке­­йіп­керіміз ал­ғашқы еңбек жолын Тас­бөгеттегі ау­­дандық ауруханадан бас­таған. Мұнда жас ма­ман «Жұқ­палы аурулар» және «Ота жасау» бө­лімшесінде қыз­метте болып, өз ісі­нің білікті маманы ата­нуға ұмтылды.

– Ауыл медицинасында жұмыс істеу – үлкен жа­уап­кер­шілік пен та­бан­дылықты талап ете­тін мамандық. Шындығында, Аманкелді дәрі­герлік амбулаториясында қыз­мет ете жүріп, біз күн сайын тұрғындардың денсаулығына жауапты болып, әрбір науқастың сауығып кетуіне қолдан келген көмегімізді көрсетуге тырысамыз. Халықтың алғысы мен сенімі – біз үшін ең үлкен сый-құрмет. Соңғы жылдары мемлекет тарапынан медицина саласына ерекше көңіл бөлініп келеді. Әсіресе, ауылдық ден­саулық сақтау мекемелерінің ма­­териалдық-техникалық ба­засының нығаюы, за­манауи құрылғылармен жаб­дықталуы, ме­дицина мамандарына жасалып жат­қан қолдаулар – жұмыстың сапасын арттыруға оң әсерін тигізуде. Ауыл тұрғындарына дер кезінде сапалы медициналық көмек көрсету барысында негізгі міндетімізді ұмытпаймыз. Менің тәжірибелі әріптестерім өз ісі­не үлкен жауапкершілікпен қарайды. Ел ішінде денсаулық сақ­тау саласының дамуы – халықтың өмір сүру сапасының жақсаруының кепілі екенін олар жақсы біледі. Осындай игі бастамалардың арқасында тұрғындардың денсаулығын ны­ғайтып, ана мен бала саулығына аса мән береміз. Біз үшін ең бастысы – елдің амандығы мен халықтың саулығы. Әрбір ша­ңырақта береке болып, жұрт аман жүрсе, біздің еңбегіміздің ақ­талғаны. Алдағы уақытта да ауыл тұрғындарына сапалы әрі қол­жетімді медициналық қызмет көр­сету жолында аянбай еңбек ете береміз, – деді Бибінар Сағынбайқызы.

Осы жылы алпыс жасты еңсерген білікті маман қауіпті, жұқпалы, созылмалы дерті бар жандармен байланыс орнатып, жан-жақты сараптап отырады. Оларға тегін дәрі-дәрмек үйлестіріп, уақытылы ауруханада ем алуына да барлық мүмкіндікті қарастырады. Күнделікті қай­таланып келе беретін, бірақ жауапкершілікті айқын се­зіндіретін мейіргердің әрбір ісі – сенім жүгін көтеріп тұрады. «Басы ауырып, балтыры сыздаған» әрбір тұрғынның шағымына орай барлық медициналық көмекті үйлестіруге барын салады.

– Күн сайын өзіме тиесілі көше бөлінісіне сай тұрғындардың жағ­дайына аса мән беремін. Дә­рігермен кеңесіп, нау­қас жа­н­­­­дарға ем-шара жүргіземін. Үй­дегі отағасымен осыдан 37 жыл бұ­рын отау құрсам, алғаш ауылға келін болып келген сәттен үлкенді-кішілі көпшілікпен үнемі бай­ланыстамын. Қашанда сенім үдесінен шығу маңызды екенін ұмытпаймын. Әр науқастың са­уығып кетуіне кішкене болса да үлес қосу біз үшін үлкен қуаныш. Ауыл тұрғындарының алғысын естігенде еңбегіміздің ақталғанын сезінеміз. Кейде уақытпен санаспай еңбек етуге тура келеді. Дегенмен халықтың денсаулығы бәрінен маңызды. Ақ халатты абыроймен киіп жүру – біз үшін үлкен міндет. Алдағы уақытта да тұрғындарға сапалы қызмет көрсетіп, ел саулығы жолында аянбай еңбек ете береміз, – дейді тәжірибелі мейіргер.

Расында, Бибінар Таңсықбаева үшін әр күн ерте таңнан басталатынын жақсы білеміз. Таңғы мезетте жұмыс орнын дайындап, дәрігер қабылдауына ке­летін тұр­­ғындардың құжаттарын рет­­теп, екпе және ем-шараға қажетті құралдарды әзірлейді. Күні бойы ауыл тұрғындары бірінен соң бірі келіп жатады. Біріне қан қысымын өлшеп, енді біріне уақытылы екпе салады. Қарт кісілердің жағдайын сұрап, жас аналарға кеңес беріп, балалардың денсаулығын бақы­лаудан да тыс қалмайды. Кей жағдайда шақыртумен науқас­тардың үйіне барып, алғашқы көмек көрсетуге тура келеді. Осындай қарбаласқа қарамастан, әр адамға жылы қабақ танытып, мейіріммен қызмет көрсету – оның басты ұстанымы екенін ұмытпаған жөн.

Қызметте тәжірибелі маман, үйде аяулы ана. Оның жолдасы Еркін Жалғасов талай жыл Аманкелді ауылында абыроймен қызмет атқарған механизатор. Бүгінде іргелі шаңырақтың не­гізі қалануына әрқашан себепкер атанған екеуі 4 перзентті өсіріп, жеткізді. Оларды оқытып-тоқытып, қатарға қосты. Әрине, ердің қабағы мен баланың бабын таба білген Бибінар секілді ардақты аналар – бар құрметке лайық.