Соңғы 7 жылда аудан халқын ағаш өнімімен қамтамасыз етіп отырған жеке кәсіпкер Мұрат Құлахметов тек қана ағаш өнімін сатумен айналыспайды. Бұдан бөлек, өткен жылы темірден жаса­латын бұйымдарды дайын­дауға арналған цехты іске қос­қан. Ресей елінен арнайы тасымалданатын сан түрлі ағаштан құрылысқа қажетті бөренеден бастап, барлық материалды арнайы станок арқылы әзірлейді. Маусымында 5-6 адамды жұмыс­пен қамтитын жеке кәсіпкер өзге де цемент, ракушка секілді құрылыс материалдарын ау­данға әкелумен айналысады. Өл­шеміне қарай үйдің шатырын жабуға лайықталған ағаштың сан түрлісін базардан табасыз.

Ағаш базары арқылы біз тұрғындарды сапалы құры­лыс материалдарымен қам­тама­сыз етіп келеміз. Ағаш – кез келген құрылыстың негіз­гі элементтерінің бірі. Ол эко­логиялық тұрғыдан таза, өңдеу­ге ыңғайлы және әмбебап мате­риал болып табылады. Сон­дықтан да ағаш өнімдеріне деген сұраныс ешқашан төмен­деген емес. Ал темір өндіретін цехта түрлі құрылысқа қажетті металл бұйымдарын дайындаймыз. Атап айтқанда, қақпалар, қоршаулар, торлар, темір есік­тер мен басқа да қажетті өнімдер тапсырыс бойынша жасалады. Заманауи құрал-жабдықтардың көмегімен сапалы әрі берік өнім шығаруға мүмкіндік бар. Кәсіп жүргізу барысында біз ең алдымен сапаға мән береміз. Себебі тұтынушы сенімі – кез келген бизнестің басты капиталы. Әрбір тапсырысты уақытында орындап, сапалы өнім ұсыну – біздің негізгі қағидамыз. Біз жергілікті тұр­ғындарды жұмыспен қамтуға да үлес қосып келеміз. Цехта бірнеше адам тұрақты еңбек етіп, өз отбасын асырап отыр. Бұл – кәсіпкерліктің тек табыс көзі ғана емес, әлеуметтік жауап­кершілік екенін көрсетеді. Мем­лекет тарапынан көрсетіліп жатқан қолдау іс-шаралары да кәсіптің дамуына оң әсерін ти­гізуде. Әртүрлі бағдарламалар арқылы құрал-жабдықтарды жа­ңар­тып, өндіріс көлемін арт­тыруға мүмкіндік алып отырмыз. Алдағы уақытта кәсібімізді кеңейтіп, жаңа технологияларды енгізу арқылы өнім сапасын одан әрі арттыруды көздеп отырмыз. Нарық сұранысына сай жаңа өнім түрлерін шығару жоспарда бар. Ағаш базары мен темір өндіретін цех – құрылыс саласының ажырамас бөлігі. Сапалы өнім мен адал еңбек арқы­лы тұтынушылар сеніміне ие болу – біздің басты міндетіміз, – деді Мұрат Құлахметов.

Күнделікті ұзақ жолдан келген ағаштарды түсіру, жинау, арнайы құрылғының көмегімен кесу – «Айша» құрылыс-ағаш базарының жұмысшы маман­дары­ның құзыретінде. Әрқашан қолжетімді бағада тауар ұсы­натын жергілікті кәсіпкер Мұрат Құлахметов – Қызылорда қала­сының тумасы. Тынымсыз еңбек­тің арқасында жоғары жетіс­тікке қол жеткізген кәсіп иесі өндірісіне әлі де қан жүгірте бермек.