Экологиялық акция шеңберін­де өткен іс-шарада «Таза Қазақстан» акциясының маңыздылығына тоқ­талып, оның жай ғана тазалық шарасы емес, ел болашағы үшін мәні зор бастама екенін атап өтті.

– Мемлекет басшысының бас­тамасымен қолға алынған «Таза Қазақстан» акциясы – бұл жай ғана тазалық емес, бұл біздің туған жерге деген құрметіміз бен эко­­логиялық жауапкершілігіміздің көрінісі. Бүгін егілген мыңнан астам көшет ертеңгі күні саялы баққа айналып, ауылымыздың ажа­рын аша түсетініне сенімдімін. Тазалық пен көгалдандыру жұмыс­тары мұнымен тоқтамайды. Біз бұл бағыттағы игі істерді жүйелі түрде жалғастыра береміз, – деді Берік Әбдіғаппарұлы.

Акцияға қатысушылар ауыл­дағы «Қы­зыл­бай» бауында белгі­ленген аумақта бірлесіп тал кө­шет­ін отырғызып, көгал­дан­дыру жұмысын жүр­гізді. Жалпы саны – 1100 түп көшет егілді. Бұл бастама ауыл­дың көр­кейіп, экологиялық мәде­ниеттің қалып­­тасуына және тұр­ғын­дар үшін таза әрі қолайлы орта қалыптастыруға өз үлесін қосады.

Бұдан кейін аудан басшысы Аманкелді ауылындағы «АКЗ ЛТД» ЖШС-нің кірпіш зауытының жұмы­сымен танысты.

Аталған өндіріс орны Мемлекет басшы­сының өңірлерде өндірісті ұлғайту және кәсіпкерлікті дамыту жөніндегі тапсырмасы аясында жұмысын жүйелі түрде жүргізіп келеді. Кездесу барысында өндіріс барысы, өнім сапасы мен өткізу нарығы талқыланды.

– Мемлекет тарапынан кәсіп­керлікті қолдауға ерек­ше көңіл бөлінуде. Осын­­дай өндіріс орындары аудан экономикасының дамуына серпін беріп, жаңа жұмыс орындарын ашуға мүмкіндік бе­ре­ді. «АКЗ ЛТД» серіктестігі өңір­дегі құрылыс саласын сапалы өнім­мен қамтамасыз етіп қана қой­май, әлеу­меттік-экономикалық тұрақ­тылыққа да үлес қосып отыр. Алдағы уақытта да кәсіпорынның өндірістік әлеуетін арттыру жұ­мыс­­тарын жалғастыру керек, – деді Берік Әбдіғаппарұлы.

«АКЗ ЛТД» ЖШС-нің ди­рек­торы, ау­дандық мәслихат де­путаты Руслан Каскиев бүгінде зауыт тәулігіне 30 мың дана кір­піш өн­діретінін және жылдық өнді­ріс­тік қуаты 4,5-5 миллион дана кірпішті құ­райтынын атап өтті. Кәсіпорында 25 адам тұрақты жұмыс­пен қам­тылған. Кәсіпорынның ал­дағы да­му жоспары мен өндіріс көлемін арттыру мүмкіндігі қарас­­­тырылды. Аудан басшысы кә­сіпорын ұжы­мына алдағы жұ­мыс­ына сәтті­лік тіледі.

Аманкелді ауылы­ның әкімі Зейнұр Жаманқұлов аудан басшысына спорт ныса­нының жұмысын таныстырды. Аудан әкімі спорт нысанының материалдық-тех­ни­калық базасын нығайту, ғи­ма­раттың жалпы жағдайы, жат­­тығу залдарының талаптарға сәй­­кестігі және үйірмелердің жұ­мыс барысына назар аударды.

Айта кету керек, аталған нысан «Қазақстан халқына» қоры мен «Батыр болам» қоғамдық қоры­ның демеушілігі аясында 6,4 млн теңгеге қажетті жаттығу құрал­дарымен қамтамасыз етілген. Қазіргі уақытта ауылдық спорт клубында бокс, қазақша күрес, үстел теннисі, шахмат және тоғыз­құмалақ үйірмелеріне жастар қа­тысуда. Бұл ауыл жастарының саламатты өмір салтын ұстануына, олардың бос уақытын тиімді ұйым­дастыруға және болашақта спорт­тық жетістіктерге жетуіне оң ықпал етуде.

Аудан әкімі спорт нысанын одан әрі жетілдіру, үйірмелер санын арттыру мәсе­лелері бойынша жауапты тұлғаларға нақты тапсырмалар жүктеді.