– Халықты сапалы ауызсумен қамтамасыз ету – бүгінгі күннің ең өзекті мәселесінің бірі. Ауызсу инфрақұрылымын дамыту – тұр­ғындардың өмір сүру сапасын арттырумен қатар, қоғамдық денсаулықты нығайтудың негізгі тетігі болып табылады. Соңғы жылдары елімізде бұл бағытта ауқымды жұмыстар атқарылып келеді. Әсіресе, ауылдық елді ме­кендерді таза ауызсумен қамту мақсатында жаңа су құбырлары тартылып, тозығы жеткен желілер кезең-кезеңімен жаңартылуда. Заманауи су тазарту қондырғылары орнатылып, су сапасын бақылау жүйесі күшейтілуде. Айта кетейік, Сырдария ауданының оқшау сумен жабдықтау жүйелерін пайдаланушы өндірістік бөлімшесі Тереңөзек кенті және 13 елді мекендегі халықты таза ауыз­сумен қамтамасыз ету үшін қызмет жасап келеді. Өндірістік бөлімшесінде 19 су кешені бар. Онда 33 ұңғыма, 16 су жинайтын қойма (резервуар), 19 су мұнарасы, 204 өрт сөндіру гидранты және 2790 құдық бар. Жалпы алғанда, аудан бойынша ауызсу тарату құбырының ұзындығы 238 317 метрді құрайды. Мәселен, 33 дана ұңғымамен ауызсу өндіріліп, 9 дана ІІ су көтеру насос станция­лары мен 12 дана ауызсу мұнарасы арқылы халыққа 24 сағат ауызсу үздіксіз берілуде. Аудан көлемінде ауызсуды тұтыну әр ай сайын су есептегіш құралының көрсеткіші арқылы журналға тіркеліп, облыстық фи­лиал диспетчеріне беріліп отырады. Өндірістік бөлімшеге қарасты барлық на­сос станцияларында хлоратор қондырғысы орнатылған. Ауызсу қоймалары, ауызсу мұ­на­ра­лары мен ауызсу құбырларына көктем және күз айларында жылына 2 рет тазалау, жуу, дезин­фекциялау, залалсыздандыру жә­не кварталдық сынамалар алынады. Ауызсу сапасының санитарлық-химиялық және бак­­териологиялық сараптамасын алу мақ­сатында жыл сайын ҚР ДСМ СЭБК Ұлттық сараптама орталығының Сырдария аудандық бөлімшесінің зертхана қызметкерлері мониторинг жұмыстарын жүргізеді. Су сынамасының нәтижесі тексеріліп, хаттамасы әзірленеді. Филиал тарапынан өндірістік бөлімшеге жаңа­дан қосымша арнайы техникалармен қамтамасыз етілді. Атап айтқанда, «Ловол 845» тракторы мен тіркемесі, «Донфинг» жүк тасығышы және «КамАЗ экскаватор» арнайы автокөлігі қызмет атқаруда. Кент және 13 елді мекен бойынша барлығы 11 дизельді электр станциясымен қамтамасыз етілген.

– Бесарық ауылындағы 50 текше метрлік ауызсу мұнарасы апаттық жағдайға көшуіне байланысты, 1000 текше метрді құрайтын жерасты су қоймасына (резервуар) жуу, дезин­фекциялау, залалсыздандыру жұмыстары жүр­гізілді. К насосы арқылы қазіргі таңда халыққа үздіксіз ауызсу берілуде. Есепті мер­зімде алдын ала жөндеу жұмыстарына сәйкес насос станцияларындағы ішкі құрыш құбырларындағы камералар, көру құдықтарындағы ашып-жабу реттегіш арма­тураларына күтім жасалып, іштері тазаланды. Және де ІІ су көтеру насос станция­ларына, №1 және №2 ұңғыма (скважина) ғи­мараттарына, кіреберіс (проходная) ішкі-сыртқы қабырғаларына, ішкі құрыш құбыр­ларына және өрт қалқандарына (пожарный щит) жоспарлы жұмысқа сәйкес ағымдағы жөндеу, сырлау, бояу, әктеу жұмыстары жүр­гізілді. Бұдан бөлек, орталық қоймадан 16 дана ашып-жабу реттегіш арматурасы, 2 дана вантуз және кері қайтпа клапаны орнатылды. Ұңғымалар мен кәріз насос станция­ларына жаңадан 5 дана ЭЦВ 8-25-100, 4 дана ЭЦВ 6-10-110, 2 дана ЭЦВ 6-16-110, К насос қондырғысынан 5 дана және КНС-ке (кәріз насос станциясына) 6 дана СМ 125-80-315 насос қондырғысы беріліп, жергілікті халыққа үздіксіз ауызсу тұтынуға мүмкіндік жасалды.

– Өткен жылы жалпы 271 апаттық жағ­дай тіркелді. Сырдария ауданы әкімінің қол­дауымен «Теміржолсу-Кызылорда» ЖШС-­ның Тереңөзек бекетіндегі шойын жол ас­ты­­нан өтетін құрыш құбырдың тесілуіне бай­ланысты мекемеге қарасты №5 насос станциясына қатысты Бауыржан Момышұлы көшесіндегі жерасты ауызсу ПЭ д-110 мм құбырына бір-біріне жалғау жұмыстары жасалды. Атқарылған жұмыстың нәтижесінде 38 тұтынушыға жаңадан су есептегіш құрал­дары орнатылып, ауызсу берілуде. Апат­тық жағдай орын алмас үшін Сырдария аудандық әкімдігінен қаржы бөлініп, 4 дана ЭЦВ 8-25-100, 4 дана ЭЦВ 6-16-110 насос қондырғылары сатып алынды. Жетікөл елді мекенінде 25 текше метрлік ауызсу мұнарасы апаттық жағдайға көшуіне байланысты, 500 текше метрді құрайтын жерасты су қой­масына тиісті іс-шаралар атқарылды. №5 насос станциясының жер телімі тегіс табиғи карьер болмауына байланысты жартылай темір-бетон қоршаумен қоршалса, батыс бөлігі толықтай жабылды.

– Бұл ретте бірнеше елді мекендегі атқарылған жұмыстарды саралап өткен дұрыс деп санаймын. Айдарлы ауылында бақылау-өткізу бекеті ғимаратына әрлеу жұмыс­тары жүргізіліп, есік-терезелері мен еден кафелі толықтай ауыстырылды. Бұдан бөлек, дәл осындай құрылыс жұмыстары І көтеру және ІІ көтеру сорғы станциясының ғи­­ма­ратына жасалды. Шатыры ауыстырылды. Айналасы абаттандырылып, темір-бетонмен қоршалып, сыртқы жарық шамдары жаңадан орнатылды. Насос станциясының ішкі жағына жаңадан асфальт төселді. Су мұнарасы айналасына бетон құйылды. Бірқатар көше­дегі фасон бөліктері ауыстырылды. Ал Жеті­көл ауылындағы су құбыры мен фасон бөліктері тозығы жетіп, жарамсыз күйде болғаны анықталды. Сондықтан барлық гид­рант, кольцалар, су құбыры, полиэтилен трубалары ауыстырылды. Өз кезегінде Қоғалыкөл ауылында бақылау-өткізу бекеті ғима­ратының ішкі және сыртқы қабырғасы ақталып, едендегі кафель жаңартылды. І көтеру сорғы станциясы ғимаратының сыртқы және ішкі әрлеу жұмыстары жүр­гізіліп, есік-терезелері жаңадан салынып, шатыры өзгертілді. ІІ көтеру сорғы станциясы ғимаратының қабырғасына сыртқы және ішкі әрлеу жұмыстары жүргізілді. Ғима­рат аумағы жаңадан темір-бетонмен қор­шалып, темір қақпа орнатылды. Бірнеше фасон жаңартылды. Айта кетейік, Шіркейлі, Іңкәрдария, Қалжан ахун, Ақжарма ауылдарында да осындай біршама жұмыстар атқарылды. Толықтай бөлінген қаражат иге­ріл­ді.

Аудан бойынша ауызсу тұтынушылар санына келетін болсақ, жеке тұлға ретінде 8213 абонент бар. Оның ішінде 7853 абонентке су есептегіш құралы орнатылған. 360 абонент су есептегіш құралсыз ауызсу пайдаланып отыр. Өз кезегінде аудан тұрғындарына ауызсуды үнемдеу керектігін үнемі айтып келеміз. Ауызсуды заңсыз пайдаланған жұртшылық айыппұл арқалайтынын ескертеміз. Заң бәрі­не ортақ десек, ережеге бағынған дұрыс.