Ауланы тазалап, қоқыс қалдық­тарын өртегенде, азаматтар өрттің соңына дейін сөндірілуін қадағалауы керек. Және тоғайлы, далалық жерлерде өртті болдырмау мақсатында өрт қауіпсіздгі ережелерін мұқият орындауы қажет. Егіс даласындағы күріш сабанымен, қураған шөп қал­дықтарын өртегенде, сол маңдағы қора-жайларға, жақын орналасқан елді мекендегі қора ішіндегі жиналған қамыс шөптерге, дала қостарына, тоғайлы-далалы алқаптарға от тиіп кетпеуіне әрдайым сақ болған жөн. Әрбір жеке қожалық, шаруашылық басшылары немесе жауапты мамандар көктемгі тазалық кезінде жұмыс­тың басы-қасында болып, өрт қаупінен сақтау жолдарын түсіндіруі тиіс. Өрттің пайда болуы оңай, ал немқұрайлықтан болған өртті сөндіру қиынға соғады. Сондықтан да жеке және шаруа қожалықтарының басшылары мен кәсіпкерлер, тұрғын үй иелері өртке қарсы шараларды дер кезінде ұйымдастырып, өрт қаупінің орын алмауына күш салып отырумыз қажет.

Құрметті азаматтар! Осы шараларды мұқият орындап, өртті болдырмауды және оның алдын алу жағ­­дайларын қарастырып, баршамыз тілсіз жаудан аман болайық! Өрт болған жағдайда 101, 112 нөмірлеріне хабар берулеріңізді сұраймыз!