Кәсіп ашуға ниетті жас­тардың ала­ңына айналған биз­нес-тренингті «Venera print» жарнама агенттігінің құрыл­тай­шысы Венера Даулетбаева жүргізді. Мұнда бірнеше жыл­дық тәжірибесі бар маман идеяны дамыту, питчинг және инвесторлармен жұмыс жасау жөнінде ақпараттармен бөлісті. Өз кезегінде іс-шара аясында белсенді жастар 8 командаға бөлініп, бизнес жобаларын таныстырды. Бірқатар тапсыр­маларды орындап, өзара бәсе­келестіктің көркін қыздыра түсті.

Олардың жобаларын ба­ғалаған әділ қазылар алқасының құрамында бизнес-тренер Ве­нера Даулетбаева, кәсіп­керлік және өнеркәсіп бөлімінің маманы Ғани Үсенбаев, жас­тар ресурс­тық ор­та­лығының кеңес­шісі Динара Мұрат­бекқызы болды.

– Бүгінгі таңда жастар үшін кәсіп бастау – үлкен мүмкіндікпен қатар, жауапкершілікті талап ететін маңызды қадам. Көп жағдайда жастар бірден үлкен табысқа жеткісі келеді, алайда кез келген табысты бизнес кішкентай қадамнан басталатынын ұмытпаған жөн. Ең алдымен, өзіңнің қызығушылығың мен қабілетіңді дұрыс анықтап алу қажет. Себебі сүйікті іспен айналысқан адам ғана ұзақ жолға шыдайды. Қазіргі уақытта кәсіп бас­тау үшін үлкен капитал міндетті емес. Ең бастысы – идея, еңбекқорлық және табандылық. Жастарға шағын жобадан бас­­тап, тәжірибе жинақтап, бір­тіндеп дамуды ұсынамын. Сонымен қатар нарықты зерттеп, тұтынушы сұранысын түсіну – табыстың негізгі кілті. Мемлекет тарапынан жас кәсіпкерлерге қолдау да аз емес. «Бастау Бизнес» жобасы мен «Атамекен» кәсіпкерлер палатасы көптеген мүмкіндік ұсынып отыр. Осындай қолдауларды тиімді пайдаланып, білім алып, өз кәсібін сенімді түрде бас­тауға болады. Тағы бір маңызды мәселе – цифрлық мүмкіндіктерді дұрыс пайдалану. Бүгінде Instagram, TikTok сияқты платформа­лар арқылы бизнес жүргізу әлдеқайда жеңілдеді. Сондықтан жастар заман талабына сай икемделіп, жаңа технологияларды игеруі тиіс. Ең бас­тысы – қорықпау. Қателік – тәжірибенің бір бөлігі. Әр сәтсіздік жаңа сабақ береді. Сондықтан тәуекелге барып, әрекет ету – табысқа бастайтын жол, – деді Венера Даулетбаева.

Бірнеше бөлімнен тұрған іс-шараның қорытындысында «Nagi Camp» командасынан Балнұр Елеуова, Назым Таңсық­бай, Ұлжан Әділжанқызы І орынды иеленді. «Aul Hand­made» командасынан Назым Арыстанбекова, Бибігүл Ақыл­бек, Айым Зұлхарнайқызы, Айгүл Абдрашит ІІ орынды, ал «Love Flowers» командасынан Мақпал Тұрсынбекова, Нұрай Серікқызы, Гүлім Аманжолқызы ІІІ орынды еншіледі. Барлық жеңімпаз командаларға қаржы­лай сыйлықтар табысталды.