Аталған шеберлік-сыныбы мейір­­герлік менеджменттің за­­ма­науи тәсілдері, науқасқа бағытталған күтім жүйесі, сапаны басқару және қауіпсіздікті қа­м­тамасыз ету мәселелері кеңінен талқыланды. Ха­лық­аралық тәжірибеде тиімділігі дә­­­лел­денген басқару мо­дель­­­дері таныстырылып, ме­­йір­­­герлік қыз­метті ұйым­дас­­тырудағы жаңа әдіс­тер ұсы­­­нылды. Әсі­ресе, коман­да­лық жұмыс, көшбас­шылық қа­бі­леттерді дамыту, кәсіби ком­муникация және шешім қабылдау үдерістерін жетілдіру бағыттары назардан тыс қал­ған жоқ. Шеберлік-сыныбы барысында тәжірибелік бөлімге ерекше мән беріліп, нақты жағ­дайлар негізінде кейс-талдаулар жүргізілді. Бұл өз кезе­гінде қатысушылардың теория­лық білімін тәжірибемен ұштастыруына мүмкіндік берді.

– Измир қаласында медицина саласы бойынша өткен шеберлік-сыныбына қатысып, үлкен тәжірибе жинақтадым. Бұл сапар мен үшін тек оқу ғана емес, жаңа орта мен тың көзқарас сыйлады. Шетелдік ма­­мандардың жұмысын кө­ріп, олардың кәсібилігі мен науқасқа деген ме­йірімді қа­­­рым-қатынасы ерекше әсер қал­дырды. Ше­берлік-сы­ныбы менің кәсіби дамуы­ма үлкен серпін беріп, өз қызметіме, мамандығыма деген қы­зығушылығымды арттырды. Әсі­ресе, медицинада тек бі­лім емес, адамгершілік пен жанашырлықтың қаншалықты ма­ңызды екенін терең түсіндім. Әрин­е, халықаралық тәжірибе алаңы біз үшін кәсіби тұрғыдан біліктілікті арттыруға зор мүм­кіндік берді. Халықаралық JCI, EFQM, ISO стандарттарына сәйкес, шетелдік мамандармен пікір алмастық. Барлық жағынан қолдау көрсеткен бас дәрігер Жанар Жұмабаева бас­таған ұжымға алғыс айтамын, – деді Айкерім Болатқызы.

Айкерім Тұрлығұлова – Тереңөзек кентінің тумасы. Аудан­дық ауруханада 9 жылдан бері қызмет етіп келеді. Қазіргі уақытта емхананың «Жалпы тәжірибелік» бөлімшесінде ке­ңейтілген практика мейіргері ретінде көпшіліктің алғысына бөленіп жүр.

– Мейіргерлік іс денсаулық сақтау жүйесінің ажырамас бөлігіне айналып отыр. Заманауи талаптарға сәйкес, ме­йір­герлер тек күтім көр­сетуші маман ғана емес, сонымен қатар басқарушылық шешімдер қабылдай алатын, кәсіби құзыреті жоғары, жа­уапкершілігі мол тұлға болуы тиіс. Осы ретте ұйым­дас­тырылған ше­берлік-сыныбы ме­йіргерлік менедж­ментті жа­­ңа деңгейге көтеруге мүм­кіндік береді. Мұндай халық­аралық деңгейдегі тәжі­рибе алмасу алаңдары медицина қызметкерлерінің кәсіби дамуына зор ықпал етеді. Мамандар үшін жаңа көзқарас қалыптастырып, қызмет сапасын арттыруға бағытталған маңызды қадам деп санаймын. Әріптесіміз Айкерім Болатқызы алдағы уақытта халықаралық ше­берлік-сыныбынан жинақ­таған тәжірибесін аудан ме­дици­насының дамуына қол­данады деп сенемін, – деді бас дәрігер Жанар Әшімқызы.