Шарапаты мол айда сабырлылық пен төзімділік, кешірімділік пен қанағатшылдық сияқты адамзаттық асыл құндылықтар алдыңғы орынға шығады. Халқымыз бұл айды әрқашан үлкен үмітпен, ерекше дайындықпен қарсы алып, «Ораза - он екі айдың ішіндегі ең қайырлысы» деп, қастерлеген.

Мемлекет басшысы Қасым-Жомарт Кемелұлы «Халқымыздың дүниетанымына сай дәстүрлі исламды дәріптеу аса маңызды. Оның ғылыми-теориялық негізін дамыту қажет. Өскелең ұрпақтың рухани тәрбиесін назардан тыс қалдыруға болмайды. Шын мәнінде, бұл – өте маңызды мәселе» деген болатын.

Қасиетті айда жасалатын қайырымдылық шаралары, мұқтаж жандарға қол ұшын созу, ағайын арасындағы араздықты ұмытып, татулыққа ұмтылу – біздің қанымызда бар игі қасиеттер.

Биыл да облысымызда осы бағыттағы байыпты бастамалар жалғасын тауып, жастардың бойында имандылық пен отансүйгіштік құндылықтарды қалыптастыруға баса мән беріледі.

Біздің басты байлығымыз – елдің тыныштығы мен қоғамның ауызбіршілігі. Рамазан айында халқымыздың бірлігі арта берсін.

Осынау берекелі айда ұстаған оразаларыңыз бен дұға-тілектеріңіз қабыл болсын!

Әрбір шаңыраққа ырыс пен ынтымақ, құт-береке орнасын!

Еліміздің іргесі бүтін, тәуелсіздігіміз баянды болғай!