Аудан әкіміне білім бөлімінің басшысы Еркебұлан Жақып пен мектеп директоры Дархан Қожахметов білім беру ұйымындағы кабинеттердің жабдықталуы, ыстық тамақпен қамтамасыз етілуі, материалдық-техникалық базасының жағдайын көрсетті. Бұдан бө­лек, аудан басшысы жылу қазандығының жұмысына қанықты. Өз кезегінде Сырдария аудандық тұрғын-үй коммуналдық шаруашылық, жолаушылар көлігі және автомобиль жолдары бөлімінің басшысы Мейірхан Бақытжанұлы жылыту маусымында білім ошағында атқа­рылып жатқан бірқатар жұмысқа тоқталды.

Айта кетейік, қазіргі уақытта білім беру ұйымында 332 оқушы білім алса, оларға 54 мұғалім сапалы білім мен саналы тәрбие беруде. Оқушылардың са­палы білім алуы үшін барлық жағдай жасалған. Аудан әкімі елдің ертеңгі тізгіні білімді ұрпақтың қолында екенін айтып, білімді ұрпақты тәрбиелеу ұстаз­дар қауымына жүктелген абыройлы міндет екенін атап өтті. Жас ұрпақтың бойында тұлғалық қа­сиеттерді қалыптастырып, мектеп ұстаздарының кәсіби шеберліктерін одан әрі шыңдауын, білім сапасын арттырудағы игі бастамаларда шығармашылық ізденіс пен жаңа серпін болу керектігін жеткізді.

Биыл мектеп бітіруші түлектермен кездесіп, қала­ған мамандық иесі болуға, ҰБТ-дан жоғары балл жи­науға тілектестік білдірді.

Мектепке ІІ дәрежелі «Айбын» орденінің иегері, полиция аға лейтенанты Талғат Қозыбаевтың есімі берілген. Қазіргі уақытта білім ошағының оқушы­лары аудандық, облыстық, республикалық дең­гейдегі білім бәсекелерінде жеңімпаз атанып жүр.

Бұл ретте, Берік Әбдіғаппарұлы аудандық білім бөлімінің басшысы мен мектеп директорына балалар қауіпсіздігін қатаң бақылауда ұстап, жылу беру маусымында мәселе туындамау керектігін тапсырды.