«Адам папиллома вирусы» тақырыбында баяндама оқыды

Сырдария Аудандық Сэб Басқармасында өткізілген брифингте «Адам папиллома вирусы» тақырыбында аудандық санитариялық-эпидемиологиялық бақылау басқармасының бас маманы   Ұлжан Нұрбаева баяндама оқыды. Баяндама барысында Қазақстанда 2024 жылдың күзінен бастап 11-13 жастағы қыздарға адам папиллома вирусына(АПВ) қарсы вакцинация жүргізілуде. Вакцинация тегін медициналық көмектің кепілдік берілген көлемі шеңберінде Ұлттық егу күнтізбесіне енгізілгені жөнінде айтылды.

Бүгінгі күні Сырдария ауданы бойынша 137 жасөспірім қыздар АПВ екпесінің 1 түрін  және 82 жасөспірім қыздар 2 түрін алды. Вакцинациядан кейінгі қолайсыз жағдайлар тіркелген жоқ. АПВ вакцинасы 6 айлық аралық пен екі рет егіледі.

Адам папиллома вирусының 200-ден астам түрі бар. Оның кем дегенде 14-і жоғары онкогенді, шырышты қабаттар арқылы таралуы мүмкін және 95 пайыз жағдайда жатыр мойны обырын, сондай-ақ басқа да қатерлі ісіктерді тудыруы мүмкін. Жатыр мойны обырын тудыратын адам папиллома вирусын емдеудің тиімді әдісі – осы вирусқа қарсы вакцина салдыру екені қазір ғылыми дәлелденген.  Жатыр мойны обыры-алдын алуға болатын жалғыз қатерлі ісік түрі.

Қолданылатын вакцина – АҚШ-та жасалған «Гардасил». Вакцина қауіпсіз және вирустың ДНҚ-сы жоқ. Аллергиялық реакциялардың ықтималдығы минималды. Жүргізілген зерттеулер бойынша, вакцина 10 жылдың ішінде әсерін жоғалтпайды және жыл сайын егу қажеттілігі жоқ.

Фото: ашық дереккөзден