Әрбір қазақстандықтың тағдыры тұрған декларацияда мемлекетіміздің егемендігі, ішкі және сыртқы саясат­тағы тәуелсіздігі, мәдени дербестігі нақты айқындалды. Осы күн тәуелсіз Қазақстанның болашағына нық қадам жасалып, ұлттық құндылықтар ұлық­талатын айрықша күн ретінде белгіленді.

Маңызды күн барша тұрғындарды ел алдындағы жауапкершілігін, туған ел тағдырына деген үлесін сезінуге шақырады. Сондай-ақ бұл күн елдіктің негі­зін қалаған тұлғаларға тағзым етіп, ұлттың рухын асқақтататын мерекеге айнал­ғаны анық.

Ел Президенті Қасым-Жомарт Тоқаев: «Республика – біздің тәуел­сіз­дігіміз­дің бастауы, елдік пен егемендіктің белгісі» деді. Демек бұл мереке ұлт­­тың санасында мемлекетшіл рухты күшейтіп, болашаққа нық сеніммен қа­дам басуға жігер береді.

Республика күні баршамызға құтты болсын! Ел бірлігін, бейбітшілік идеясын жаңғыртатын рухани мәні бар мереке ұлт рухын асқақтата берсін!