Адалдық – ауылдың айнасы

Бүгінгі таңда сыбайлас жемқорлық – еліміздің болашағына қауіп төндіретін ең өзекті мәселелердің бірі болып отыр. Бұл дерт тек қалада ғана емес, ауыл­ды да айналып өтпейді. Сондықтан біз, жергілікті билік өкілдері, ең алдымен өзімізден бастап, адал қызмет етуге, әділ шешім қабылдауға және халықтың сенімін ақтауға міндеттіміз.

Ауыл әкімдігі – халыққа ең жақын тұрған билік өкілі. Біз күнделікті сіздердің әлеуметтік мәсе­лелеріңізбен бетпе-бет келеміз. Сон­дықтан әрбір қабылданған шешім, әрбір көрсетілген қызмет – ашықтық пен заң аясында жүзеге асырылуы тиіс.

Сыбайлас жемқорлықпен күрес тек мемлекеттік мекемелердің ғана емес, әрбір азаматтың парызы деп білемін. Ауыл тұрғындарын белсенді азаматтық ұстаным танытып, кез келген заңсыздықты көрсе, дереу хабар беруге шақырамын. Жемқорлыққа көз жұму – соған жол беру деген сөз.

Біздің басты мақсатымыз – ауылда әділдік үстемдік құратын, тұрғындар билікке сенетін, ашық әрі адал қоғам қалыптастыру. Адал еңбек пен әділетті басқару – ауылымыздың өркендеуіне бастар жол.

Ауылымыздың болашағы – бәрі­міздің қолымызда!

Нұрбол ЖҰМАБЕКОВ,

Айдарлы ауылдық

округінің әкімі

Фото: Ашық дереккөзден