Жылдық жұмысты қорытындылау мақ­­­­са­­тында өткізілген жиында «AMANAT» партиясы Қызылорда облыс­­­­­­тық филиалының төрағасы Алмас­бек Есмаханов сөз сөйлеп, жи­нал­­­ған­­дарды Жаңа жыл мерекесімен құттады. Сондай-ақ облыстық мәс­лихат­­­тағы AMANAT» партиясы депу­тат­тық фракциясының жетекшісі Жора­бек Нұрымбетов «AMANAT» пар­тия­сы­ның Сырдария аудандық филиалы жанындағы «Жастар рухы» жастар қана­тына «Үздік бөлімше» аталымын табыстады.

Айта кету керек, «Жастар рухы» жас­тар қанатының аудандағы белсен­ділері жыл көлемінде ерікті түрде қоғамның дамуына атсалысып келеді. Жалынды жастар еліміздің бірқатар өңірі су тасқыны апатына ұшырағанда гуманитарлық көмек көрсетуде белсен­ділік танытты. Сондай-ақ «Арда­гер­­­лерді ардақтайық» жобасы аясында тыл және еңбек ардагерлеріне құрмет көрсетсе, «Кедергісіз келешек», «Бақыт­ты отбасы», «Халыққа көмек» жобалары шеңберінде көптеген игі іс-шараларды ұйымдастыруда. Мұнан бөлек жадынамалар мен үнпарақтар тарату, тазалық іс-шараларына қатысу, жастар арасында спорттық, мәдени іс-шаралар ұйымдастыру ісіне де «Жас­тар рухы» жастар қанаты өз үлесін қосуда. АЭС салуды қолдау жөніндегі халықтық штабтың мүшесі ретінде де сырдариялық жастар түсіндірме жұмыстарын жүргізіп, жергілікті БАҚ пен әлеуметтік желілер арқылы жүйелі істер атқарды. Сондықтан жастық жалынға толы осынау еңбек пен ізденіс еленіп, лайықты бағаланып, «AMANAT» партиясының Сырдария аудан­дық филиалы жанындағы «Жас­тар рухы» жастар қанатына «Үздік бөлім­ше» аталымы табысталды. Бұл аудан жастарының бірлесе атқарған жұмысының жемісі екені анық.

***

Жаңа жыл мерекесі аясында «AMANAT» партиясының Сырдария аудан­дық филиалы бастауыш партия ұйымдарының ұсынысына сәйкес 113 баланы қуантып, жаңа жылдық сыйлықтарды тарту етті. Игі іс-шара партияның аудандық филиалында өткізіліп, мерекелік салтанатқа Аяз ата мен Ақшақар да қатысты.

Балалар асыға күтетін мерекелік іс-шара барысында мектеп оқушылары мен олар­дың ата-аналарына партия туралы ақпарат­тар берілді. «AMANAT» пар­тиясының Сырдария аудандық филиа­лы­ның Атқарушы хатшысы Ақтөре Ибрагимұлы жиналғандарды мере­­кемен құттықтап, оқушылардың оқуда және білім мен өнер бәйгелерінде озаттар көшін бастауына тілектестігін білдірді.

– «AMANAT» партиясы балаларды, олардың бақытты болашағына қатыс­ты жобаларды әркез қолдайды және ұйымдастырады. Жаңа оқу жылы баста­лар тұста партия тарапынан «Баланы мектепке даярлайық» акциясы аясында 54 балаға оқу құралдары берілсе, бұл жолы мүмкіндігімізге қарай 113 баланы қуантуды жөн көрдік. Біздің басты мақсатымыз – халық­пен бірге болу, сайлаушыларға берген уәделерімізді орындау. Бұл бағыт­та партия алдағы уақытта да нақты жұмыстарды атқаратын болады, – деді А.Ибрагимұлы.

Өз кезегінде балалар мен олардың ата-аналары шынайы ризашылығын біл­дірді және Аяз ата мен Ақшақарды ортаға алып, естелік суретке түсті.