Оқытудың ашылуына «AMANAT» партиясының Сырдария аудандық филиалының Атқарушы хатшысы А.Ибрагимұлы, С.Сейфуллин ауылының әкімі Б.Қыдырбаев арнайы қатысты.

– «AMANAT» партиясының«Қарызсыз қоғам» жобасы бүгінде бүкілхалықтық сипат алды. Бұл – жобаның халыққа қажеттілігін және дер кезінде ұйымдастырылып жатқанын білдіреді. Жоба бойынша қараша айының өзінде 300-ге жуық тұрғын оқытудан өтіп, қаржылық сауаттылығын арттырды. Нақтырақ айтқанда, Асқар Тоқмағамбетов ауылында – 59, Тереңөзек кентінде – 74, Шаған ауылында – 98, Бесарық ауылында – 54 азамат оқумен қамтылды. Оқыту желтоқсан айының 02-06 аралығында С.Сейфуллин ауылында ұйымдастырылады, – деді Ақтөре Ибрагимұлы.

Оқыту жұмыстары 5 күнге созылады деп жоспарлануда. Оқытуды белгілі қаржы сарапшысы Б.Мәмен жүргізеді.