Мерекелік іс-шаралар кезінде өрт қауіпсіздігі
Қыс айларында мерекелік күндер көп екені баршаға мәлім. Мерекелік іс-шаралар өтетін орындарда халық көп шоғырланатыны және адам өзінің қырағылығын жоғалтатыны рас. Соның салдарынан өрт қауіпсіздігі ережелері мен талаптары сақталмай арты қайғылы жағдайларға әкеліп соғады. Естеріңізге салатын жайт, адамдар көп шоғырланатын орындарда жанғыш құрамды заттарды қолдану кезінде қауіпсіздік ережелерінің сақталуы маңызды. Адамдардың көп шоғырланған орындарда, мерекелерді жүргізу және ұйымдастыру кезіндегі іс-шаралар:
1. Мерекелік іс-шаралар өтетін орындарда жауапты қызметкерлерден кезекшілікті бекіту;
2. Жүргізілген электр жүйелерінің талапқа сәйкес болуына аса назар аудару;
3. Іс-шара жүргізілетін бөлме алғашқы өрт сөндіру құралдарымен жабдықталуы керек.
4. Қосымша қосалқы есіктерінің ашық болуын қамтамасыз ету.
5. Кемiнде екi эвакуациялау жолымен қамтамасыз етiлген және жанғыш қалқалары бар ғимараттарда 2 қабаттан жоғары емес орналасқан үй-жайлар ғана пайдаланылады;
Жол берілмейді:
1. Іс-шара өткiзiлетiн бөлме терезелерiнде торлар болған жағдайда оларды өткiзуге;
2. Жобалық құжаттамада белгiленгеннен артық адамдармен толтыруға;
3. Бөлмені қараңғылау үшiн терезелерге қақпақтар орнатуға;
4. Қосалқы өту жолының енiн қысқартуға және өту жолдарында қосымша креслолар, орындықтар қоюға, артық заттармен бөгемеуге.
Өрт шыққанда немесе төтенше жағдай болғанда шұғыл түрде өрт сөндіру бөліміне «101»,«112» немесе 21-2-00 телефонына хабарласып жағдайды, мекен-жайын асықпай толық айтуы тиіс.
Сонымен қатар Сырдария аудандық төтенше жағдайлар бөлімінде 8/72436/21-4-94 нөмірлі сенім телефоны жұмыс жасайды.
Сырдария аудандық төтенше жағдайлар бөлімі
