Сала мамандары емделушілерге кеңес берді
Сырдария аудандық ауруханасында «Қант диабеті мектебі» жұмыс жасайды. Өз кезегінде СӨСҚ маманы Лилия Ауминова қант диабетімен ауыратын науқастарына арналған өзін-өзі бақылау жөнінде кезекті сабақ өткізді. Бұл ретте, арнайы ұйымдастырылған сабақ барысында дәрігер-эндокринолог Айжан Ибраева терінің температурасына сезімталдық үшін диабеттік диагностикалық сынаушы «TIP THERM» аппаратымен термоэстезиометрия жасады.
Зерттеу әдіс-тәсілі бойынша сала маманы емделушілерге түсіндірме жұмысын жүргізді. Айта кетейік, науқастар медицина мамандарына көкейдегі сауалдарын жолдап, тұщымды жауап алды.
